О́geı deýge aýzym barmaıdy

Sársenbi, 7 naýryz 2012 8:01

Men sizderge shıetteı 9 balany aıalap ósirgen anamyz Báten jaıly aıtsam dep edim. Iá, ol kisi meıirimdi, jany jibek jan edi. Eshqaısymyzdyń mańdaıy­myz­dan shertpeı, týǵan anamyzdaı baýyryna bas­ty. Sizderge túsinikti bolý úshin bul áń­gi­meni basynan bastaıyn. О́z anamyz tym erte dúnıe saldy. Ákemiz Mútásh Syz­dy­qov sóıtip, 9 balamen taǵdyrdyń talqy­syn­da qala berdi. Sol kezde eń ki­shi­miz ne­bári bir jarym jasta ǵana bolatyn. Bala­­nyń úlkeni men. Úlkeni degen atym ǵana. Áıt­pese, bastaýysh synypta oqıtynmyn. Árı­ne, men shama-sharqym kelgenshe áke­me súıeý bolýǵa tyrystym.

Sársenbi, 7 naýryz 2012 8:01

Men sizderge shıetteı 9 balany aıalap ósirgen anamyz Báten jaıly aıtsam dep edim. Iá, ol kisi meıirimdi, jany jibek jan edi. Eshqaısymyzdyń mańdaıy­myz­dan shertpeı, týǵan anamyzdaı baýyryna bas­ty. Sizderge túsinikti bolý úshin bul áń­gi­meni basynan bastaıyn. О́z anamyz tym erte dúnıe saldy. Ákemiz Mútásh Syz­dy­qov sóıtip, 9 balamen taǵdyrdyń talqy­syn­da qala berdi. Sol kezde eń ki­shi­miz ne­bári bir jarym jasta ǵana bolatyn. Bala­­nyń úlkeni men. Úlkeni degen atym ǵana. Áıt­pese, bastaýysh synypta oqıtynmyn. Árı­ne, men shama-sharqym kelgenshe áke­me súıeý bolýǵa tyrystym. Alaıda, ekeý­mizge sonshama balany baǵyp-qaǵý, úıdiń, syrttyń tirligi óte aýyr tıdi. Sondaı bir qınalysty sátte men bala bolsam da «áke, siz úılenseńiz qaıtedi» deppin de moınynan qushaqtap jylap jiberippin. Ol me­­­niń qatty qınalyp júrgenimdi túsindi. Kóp uzatpaı ol múlde beıtanys adamdy, Bá­­­­ten sheshemizdi úıge ertip keldi. Árıne, biz oǵan ońaılyqpen úırenise ketkenimiz joq. Alaıda, ol baǵymyzǵa qaraı óte aqyldy, keńpeıil, meıirimdi adam bolyp shyqty. Ákem ekeýi qashanda bir sózdi boldy. Tipti ol birqatar máselelerdi balasynbaı, biz­­­ben keńesip, aqyldasyp she­she­tin edi. Bir sózben aıtqanda, 9 jetimekke ana da, pana da bola bildi. Bárimizdi jadatyp-jú­­det­­­peı, qatarymyzdan kem qylmaı, uldy uıa­ǵa, qyzdy qııaǵa qondyr­dy. Ákemizben 43 jyl otasyp, onyń janyna jalaý bola bildi. Ákem qaıtqannan keıin de ol ál­de­kim qusaǵan joq. О́zi ómirden qaıtqansha shańyraǵymyzdyń otyn óshirmedi.

Keıinnen estip jatyrmyz ǵoı, sonaý jyldary abysyndarynyń biri oǵan maq­­­tanyp, «bizdiń balamyz, mine, 10 páshke sháı berip jiberdi» degen kórinedi. Sol kezde bizdiń anamyz «meniń balam ótkende sol sháıdiń 50 páshkesin jiberipti. Mine, aýyz tıińder» – dep álgi abysyndaryna ba­la­synyń berip jibergen sálemdemesi re­tin­de sháı úlestirgen kórinedi. Sonda óz ba­lalary úshin onyń da maqtanǵysy kel­geni ǵoı… Men úıdiń úlkeni bolǵan soń, tárbıeme de aıryqsha kóńil bólip, udaıy aqylyn aıtyp otyratyn. Moınyma basy artyq ju­mys júktep, sharýaǵa kóp jek­peı­tin. Ekeýmiz keı kezde túnniń bir ýaǵy­na deıin syrlasyp otyratynbyz. Sol kún­der­di men qalaı umytamyn. Serik inimiz qaıt­­­qan kezde anamnyń kúızelgenin kórse­ńiz ǵoı. Menen keıingi Roza degen sińlimdi de ol ózgeshe jaqsy kóretin. Onyń qyz­me­ti kóterilgen kezde anamyz qandaı qýandy deseńizshi. Sheshesi qaıtys bolǵanda bir jarym jastaǵy Dánııa dimkástaý bolyp ósti. Ony da aıalap ósirdi. Ol bizdi adam qataryna qosýmen qatar adal bolýǵa tár­­bıeledi. Árqaısymyzdyń shańyraǵy­myz shaıqalmasyn dep tiledi. Eń úlke­nimiz Baýyrjan Ombydaǵy aýylsharýa­shy­lyq ınstıtýtyn bitirgen bolsa, Bektaı Qara­ǵandynyń saýda ınstıtýtyn tá­mam­dady. Al men áleýmettik salada pedagog-psıholog bolyp eńbek ettim. Serik kóp jyldar boıy temir jol qyzmetkeri bo­lyp istedi. Dáýletaı men Tımýr aýyl sharýashylyǵy salasynda eńbek etse, Bolat qurylysshy-prorab bolyp jumys istedi. Sóıtip, bárimiz ana eńbegin aqtaýǵa tyrystyq.

Ákemiz qaıtys bolǵannan keıin de biz qarashańyraqta otyrǵan anamyzdy saǵy­nyp, úıge jıi baratyn edik. Ol da bizdiń kel­genimizge júregi jaryla qýanyp, balalaryma dep saqtap qoıǵan tátti-dámdisin aldy­myzǵa tosyp, mańdaıymyzdan ıis­kep, máre-sáre bolyp qalatyn. Sol anamyz dúnıe salǵanda biz de qatty qaı­ǵy­r­­dyq. Osy kúni de ákemiz ben eki anamyzǵa da du­­­ǵa oqý ádetimizge aınalǵan. Iá, eki anamyz degen sózdi men jańylys aıtyp otyr­­­­­ǵanym joq. Mundaı meıirimi mol dana áıeldi ógeı dep aıtýǵa aýzymyz barmaıdy.

Endi osy jáıtti nege aıtyp otyr degenge kelsek, ózgelerge osy aıtylǵan áńgi­­me oı salsa káne degen nıetpen jazyp otyrmyn. Iá, ómirdiń bar maǵynasy da bireýdi baqytty etý ǵoı. Ol bizdiń kóz jasymyzdy qurǵatyp, shyn máninde 9 jetimekke ana bola bildi. Shirkin, osyndaı meıirban áıelder qatary kóp bolsa, eshkim jetimdik zaryn tartpas edi-aý!

Mánsııa QÝANDYQOVA.

Aqmola oblysy,

Stepnogor qalasy.