Bendıdiń myqtylary aýylda

Dúısenbi, 12 naýryz 2012 7:53

Búgingi tańda otandyq sport ındýstrııasyn damytýdyń ýaqyty jetkeni anyq kórinis tabýda. Qa­zirgi Úkimet ony damytý bastamalaryna tıisti qoldaý sharalaryn qarastyrýǵa daıyn ekenin kórse­tip otyr. Jyl basynda Sport jáne dene shynyqtyrý isteri agent­tiginiń keńeıtilgen alqa má­jilisinde vıse-premer E.Orynbaev óz sózinde: «Agenttiktiń ózi ár­bir óńirde sportta daryndy jas­tardy anyqtaýdyń tıimdi júıe­sin oılastyryp alǵany jón. Ondaı balalardy birden taýyp, olar­dyń qabilet-darynyn damytý úshin qa­jetti barlyq jaǵdaılardy jasaý qajet. Bolashaqta sol sport­shylar el namysyn qorǵaıtyn bolady», degen bolatyn.

Dúısenbi, 12 naýryz 2012 7:53

Búgingi tańda otandyq sport ındýstrııasyn damytýdyń ýaqyty jetkeni anyq kórinis tabýda. Qa­zirgi Úkimet ony damytý bastamalaryna tıisti qoldaý sharalaryn qarastyrýǵa daıyn ekenin kórse­tip otyr. Jyl basynda Sport jáne dene shynyqtyrý isteri agent­tiginiń keńeıtilgen alqa má­jilisinde vıse-premer E.Orynbaev óz sózinde: «Agenttiktiń ózi ár­bir óńirde sportta daryndy jas­tardy anyqtaýdyń tıimdi júıe­sin oılastyryp alǵany jón. Ondaı balalardy birden taýyp, olar­dyń qabilet-darynyn damytý úshin qa­jetti barlyq jaǵdaılardy jasaý qajet. Bolashaqta sol sport­shylar el namysyn qorǵaıtyn bolady», degen bolatyn. Iаǵnı, bul – aýyl­dyq jerlerde buqaralyq dene shynyqtyrý, sport jumys­ta­ryn uıymdastyrý jáne aýyl sport­shylarynyń sporttyq sheber­lik­terin arttyrý maqsatynda Úki­met tarapynan jan-jaqty qoldaý bolady degen sóz.

Aqtoǵaı sporty degende eń aldymen aýyzǵa voleıbol men dopty hokkeı keletini sózsiz. О́tken ǵa­syrdyń 70-shi jyldarynda muz aıdynynda jasyndaı jarqyl­da­ǵan J.Qorabaev, A.Noǵaev, M.Tó­le­genov sııaqty aǵalarymyzdyń sa­­ra jolyn keıinnen Q.Hasenov, K.Lıýpp, A.Kárimhanov, M.Seısepov, E.Omarbaevtar jalǵastyryp, bú­gin­­gi tolqynǵa amanattap otyr. Jyl­da dástúrli túrde ótetin J.Qo­ra­baev atyndaǵy jarys jáne mereke kúnderi ótetin oıyndarda aýyl jastary bendıdiń qyr-sy­ryn to­lyqtaı meńgerip, muz aıdynynda ádemi, sapaly oıyndarymen kóp­shi­likti tańqaldyrýda. Aýyl balalary eshqandaı tájirı­besiz bendı oıynynda oınaqtaýdy eshkimnen de úırenbeı, sańlaq oıynshylardan kem emestikterin anyq baıqatýda.

Bıylǵy jyldyń basynda Ala­taýdyń bókterinde ótken dopty hokkeıden álem birin­shi­liginde atoı salǵan Qazaq eliniń quramasy qorjynǵa qola júldeni saldy. Maqtandyq, qýandyq. Biraq, Qazaq eli dep otyrǵan quramamyzda jal­ǵyz qazaq jigitiniń júrgeni namys­ty qamshylaıdy eken. Kileń Reseı birinshiliginde oınaıtyn, sonda turatyn jigitterden jasaq­tal­ǵan quramada aýyldan shyqqan qa­zaq jastaryna oryn buıyrma­ǵa­ny, árıne, ókinishti. Ondaı jastar joq dep aıtýǵa múlde bolmaıdy. Bar, jetkilikti olar. Biraq, solardy kóretin kózder bolmaı tur.

Ertede sport seleksıonerleri aýyl-aýyldy aralap, balalardyń múmkinshiligin qarap, olarǵa ba­ǵyt-baǵdar berip, daryny asyp jatsa, sport-ınternattarǵa alyp ketip jatatyn. Búgingi kúnde ondaı jumys múlde júrgizilmeıdi. Aýyl balalarynyń barlyǵynyń ondaı oqý oryndaryna baryp bi­lim alýlaryna múmkinshilikteri ke­le bermeıtini sózsiz. Joǵaryda aıtyp ótkenimdeı, agenttik jer-jerlerde naqty jumystar júr­gi­zetini qur sóz júzinde ǵana bolyp qalmasa deımin. Aldaǵy ýaqytta daryndy jastarymyzdy kórýge Alashtyń úsh arysynyń atamekeni – Aqtoǵaı óńirine bendı oıy­ny­­nyń maıyn ishken bilikti mamandardy shaqyramyn, kelip múm­kindiginshe olarǵa qoldaý kórse­tedi dep senemin.

Abylaı AMANJOLOV.

Qaraǵandy oblysy,

Aqtoǵaı aýdany.