UIA jáne akademık О́.A.Joldasbekov atyndaǵy mehanıka jáne mashınataný ınstıtýty uıymdastyrýshylary bıyl 29 aqpanda «Ǵylym ordasy» ǵımaratynda «Mehanıka týraly ǵylym: ál-Farabıden osy kúnderge deıin» atty respýblıkalyq ǵylymı semınar ótkizedi. Ǵylymı semınar kórnekti ǵalym-mehanık, UǴA akademıgi О́mirbek Aryslanuly Joldasbekovtyń 89 jasqa tolý qarsańynda ótkiziledi.
Ál-Farabıdyń izbasarlarynyń birden-biri, zamanaýı qazaqstandyq mehanıka ǵylymyn jalǵastyrýshy kórnekti ǵalym-mehanık, belgili qoǵam qaıratkeri, Qazaqstanda joǵarǵy klassty mashınalar men mehanızmderdiń teorııasynyń negizin qalaýshy – О́mirbek Joldasbekov. О́.A.Joldasbekovtyń mehanıka salasyndaǵy murasy álemdik deńgeıde balamasy joq júk kótergish jáne manıpýlıatorlyq qurylǵylar jobalaýda negiz boldy.
Akademık О́.A.Joldasbekovtyń eńbekterin damytý negizinde kótergishi bar shaǵyn robottar, jańa úlgidegi baspaq-avtomattar, retntgenoflýoressentti energodıspesıondy aspap, t.b. jasalyp, respýblıkanyń energetıka, mashınaqurýshy salalar, medısına, robototehnıka, otyn ónerkásibinde jáne basqada salalarda suranysta.
Atalǵan is-sharaǵa joǵarǵy oqý mekemeleriniń, Ulttyq ǵylym akademııasynyń, Ulttyq ınjenerler akademııasynyń jáne profıldi ǵylymı uıymdardyń dırektorlary, mashına jasaýshy salalardyń ókilderi, t.b. qatysady.
ALMATY