Lıvannyń Trıpolı qalasynda 23 tamyzda, ıaǵnı, juma kúni súnnıtterdiń eki meshitiniń janynda mına ornatylǵan eki avtokólik jarylyp, onyń saldarynan 42 adam kóz jumdy. Bul týraly «Azattyq radıosy» habarlady.
Búginge deıingi málimetke qaraǵanda, qaza tapqan 42 adamnan bólek, 500-den asa adam jaraqat alǵan. Olardyń basym bóligi aýyr halde kórinedi. Bul jarylysty ázirge eshkim moıynyna alǵan joq.
Jalpy, Lıvan jerinde 1975-1990 jyldar aralyǵynda ótken azamattyq soǵystan keıin osynshama adam qurban bolǵan oqıǵa tirkelmegen kórinedi.
Keıingi ýaqytta Lıvanda túrli deńgeıdegi qaqtyǵystardyń oryn alýyna Sırııadaǵy jaǵdaı áser etip otyr. О́ıtkeni, atalmysh eldegi shııtik «Hezbolla» radıkaldy tobynyń qarýly ókilderi Sırııaǵa baryp, Bashar Asadty qoldap, onyń qarsylastaryna qarsy turýda. Bul jáıt Asadtyń Lıvandaǵy jaqtastary men dushpandary arasyndaǵy qaqtyǵystardyń jıilep ketýine soqtyryp otyr.
Esterińizge sala keteıik, buǵan deıin, ıaǵnı, 16 tamyzda Lıvannyń bas qalasy Beırýtte «Hezbolla» nysandary ornalasqan aýdanda jarylys bolyp, sonyń kesirinen 22 adam ólgen bolatyn. Munyń ózi Asadtyń Lıvandaǵy tileýlesteri men dushpandary arasyndaǵy shıelenis kúrdelene túskenin ańǵartady.
Joldybaı Bazarov.