Palestına lıderi Iаsır Arafat óziniń ajalynan ólgen eken. Bul týraly Reseı Federaldy medıko-bıologııalyq agenttik basshysy Vladımır Ýıbanyń málimdemesine silteme jasaǵan RIA «Novostı» habarlady.
Kóptegen eldiń mamandary áli kúnge deıin onyń óliminiń sebebi jóninde ortaq sheshimge kele almaýda. Alaıda, osy joly Reseı mamandary Palestına lıderiniń óz ajalynan ólgenine tolyq senimdi. «Iаsır Arafat radıasııa áserinen emes, óziniń ajalynan qaıtys bolǵan… Buǵan qatysty shveısarııalyqtar órshelene málimdeme jasap edi, biraq olar keıin bizdiń tujyrymymyzben kelisip, raılarynan qaıtty, fransýzdar da bizdiń uıǵarymymyzdy qoldady», – dedi baspasóz máslıhatynda Vladımır Ýıba.
Budan buryn Iаsır Arafattyń jesiri Sýha Arafat eriniń ýlanyp óltirilgenin joqqa shyǵarǵan fransýz sot-medısınalyq saraptamasynyń qorytyndysymen kelispeıtinin alǵa tartyp, onyń nátıjelerin qaıta qarattyratynyn málimdegen bolatyn. Sol kezde marqumnyń qanynda radıoaktıvti polonıı-210 elementiniń bıologııalyq úlgidegi quramy kóterińki ekenin tapqan shveısarııalyq dárigerler anyqtamasymen fransýz mamandarynyń tujyrymy sáıkes kelmeı qalǵan.
Palestınalyqtar 2004 jyly Parıjdegi gospıtaldardyń birinde kenetten qaıtys bolyp ketken Arafattyń ólimin áli kúnge deıin Izraıl arnaıy qyzmetinen kóredi. Al Tel-Avıv mundaı aıyptaýdy moıyndap otyrǵan joq.
Aıdar О́risbaev.
Derekkóz: Ria.ru
Foto: Dw.de