Ombýdsmender qaýymdastyǵy quryldy

Qaýymdastyq túrkitildes el­der­­diń táýelsiz, saıası jáne kom­mer­­sııalyq emes birlestigi retinde quryldy. Jańa birlestiktiń negizgi mindetteri azamattardyń ult­tyq quqyq qorǵaý ınstıtýttary men túrkitildes elderdiń ulttyq zań­na­malary týraly saýatyn arttyrý, adam quqyqtaryn qorǵaý men da­mytýǵa járdemdesý bolyp tabylady.

Qaýymdastyq ulttyq quqyq qorǵaý mekemeleriniń yntymaqtas­tyǵyn nyǵaıtýǵa, adam quqyqtary salasyndaǵy bilimdi ilgeriletý boıynsha birlesken jobalardy iske asyrýǵa nıetti. Qaýymdastyq túrki qaýymdastyqtarymen jáne uıymdarymen, ombýdsmender­diń sheteldik ınstıtýttarymen, ombýds­menderdiń halyqaralyq jáne óńirlik jelilerimen, basqa da ha­lyqaralyq uıymdarmen adam quqyqtaryn qorǵaý jáne kóter­meleý salasynda ózara jumys isteýge daıyn.

Qazaqstan Respýblıkasyndaǵy Adam quqyqtary jónindegi ýákil Elvıra Ázimovanyń aıtýynsha, qaýymdastyqqa qatysý túrki mem­leketteriniń aýmaǵynda Qazaqstan azamattarynyń quqyqtaryn qorǵaý jónindegi ult­­tyq quqyq qorǵaý mekemesiniń áleý­etin keńeı­tedi jáne turaq­ty negiz­de adam quqyqtary salasyn­daǵy ozyq tájirıbelermen jáne zańnamamen almasýǵa múmkindik beredi.

«Qaýymdastyqty qurý bizdiń kúsh-jigerimizdi dáıekti túrde ilge­riletýge, onyń ishinde basqa uıym­darmen seriktestikte jumys is­teýge múmkindik beredi. Bizdiń qaýym­dastyq sheńberindegi ynty­maq­tastyǵymyz adamǵa, onyń qu­qyq­tary men bostandyqtaryna qyz­met etýge baǵyttalǵan», dedi E.Ázimova.