Qazaqstan Respýblıkasynyń Memlekettik keńesshisi – Qazaqstan Respýblıkasynyń IýNESKO jáne ISESKO isteri jónindegi ulttyq komıssııasynyń tóraǵasy Erlan Qarın IýNESKO Bas dırektorynyń mádenıet jónindegi orynbasarynyń mindetin atqarýshy – Dúnıejúzilik mura ortalyǵynyń dırektory Lazar Elýndý Assomomen kezdesti, dep habarlaıdy Egemen.kz.
Erlan Qarın IýNESKO-nyń qoldaýymen Astanada uıymdastyrylǵan «Altyn Orda dala órkenıetiniń modeli retinde: tarıh, arheologııa, mádenıet, biregeılik» halyqaralyq sımpozıýmyna qatysqany úshin Dúnıejúzilik mura ortalyǵynyń basshysyna rızashylyǵyn bildirdi.
Sondaı-aq basqosýda Qazaqstan tarıhy men mádenıeti úshin aıryqsha mańyzǵa ıe mura nysandardy IýNESKO-nyń halyqaralyq tizimderine engizý máseleleri talqylandy.
Atap aıtqanda, osy jyldyń 19-29 shilde kúnderi Ońtústik Koreıanyń Pýsan qalasynda ótetin jıynda Qazaqstannyń qatysýymen eki nomınasııa qarastyrylatyn bolady.
Prezıdent IýNESKO-nyń burynǵy Bas dırektoryn Qoja Ahmet Yasaui ordenimen marapattady
Birinshisi – «Mańǵystaýdyń jerasty meshitteri». Atalǵan ulttyq ótinim aıasynda Beket ata, Qaraman ata, Shopan ata, Shaqpaq ata jáne Sultan epe kórnekti eskertkishteri usynylǵan.
Ekinshisi – «Jibek joly: Ferǵana – Syrdarııa dálizi». Bul – Qazaqstan, Qyrǵyzstan, Tájikstan jáne О́zbekstan memleketteri birlesip usynǵan transulttyq nomınasııa. Onyń aıasynda elimiz tarapynan IýNESKO tizimine álemge áıgili Otyrar, Saýran, Túrkistan, Syǵanaq, Jetiasar, Jankent qalashyqtary usynyldy.
Memlekettik keńesshi Qazaqstan IýNESKO-men yntymaqtastyqqa erekshe mán beretinin jáne ózara tıimdi áriptestikti nyǵaıtýǵa múddeli ekenin atap ótti.
Prezıdent: Elimiz IýNESKO-nyń qoldaýymen kóptegen mańyzdy jobany júzege asyrdy
Aıta keteıik, buǵan deıin Úkimet IýNESKO jáne ISESKO aıasynda mádenı murany saqtaý jáne ilgeriletýdiń 2026-2028 jyldarǵa arnalǵan keshendi josparyn bekitti.