Áleýmettik jelide jeke tasymaldaýshy – «Sary-Arqa Kompanı» JShS poıyzynda jolaýshynyń qaıtys bolǵany týraly aqparat tarady. Habarlamada er adamnyń júrek talmasynan kóz jumǵany aıtylǵan, dep jazady Egemen.kz.
Tasymaldaýshynyń málimetinshe, vagon ishinde er adamnyń kenetten jaǵdaıy nasharlaǵan. Jolserik bul týraly dereý poıyz bastyǵyna habarlap, keıin mashınıst arqyly jedel járdem brıgadasy shuǵyl shaqyrylǵan.
Taılandta bir aıǵa jýyq jansaqtaý bóliminde jatqan Alekseı Vıvtonenko qaıtys boldy
Marqumnyń jubaıynyń aıtýynsha, er adam júregine jasalǵan operasııadan keıin emhanadan qaıtyp kele jatqan.
Dárigerler poıyzǵa saǵat 23:49-da kelip, jolaýshyny teksergen, qan qysymyn ólshep, kóktamyr arqyly ekpe jasaǵan. Alaıda kóp uzamaı er adam esinen tanyp qalǵan. Túngi saǵat 00:30-da medısına qyzmetkerleri onyń qaıtys bolǵanyn tirkedi.
Mańǵystaýda máslıhat depýtaty plastıkalyq operasııa kezinde qaıtys boldy
Marqumnyń máıiti sot-medısınalyq saraptama júrgizý úshin Kókshetaý stansasynda poıyzdan túsirildi. Shuǵyl medısınalyq jáne tergeý sharalaryna baılanysty poıyzdyń qozǵalysy 43 mınýtqa keshikken.
Eske sala keteıik, sáýir aıynda Almaty – Aqtóbe baǵytyndaǵy №033 jolaýshylar poıyzynda 60 jastaǵy er adam kóz jumdy.