Nurǵısa Tilendıevke Almatyda eskertkish ashyldy
Osydan 13 jyl buryn dáýlesker kúıshi, uly sazger Nurǵısa Tilendıevtiń ómirden ótkeni ózimizge belgili. Endi, mine, araǵa bir múshel salyp kompozıtor, dırıjer, oryndaýshy retinde óshpes iz qaldyrǵan sýretkerdiń músini ońtústik astananyń qaq ortasynan qasqaıyp oryn aldy.
Almatydaǵy Fýrmanov pen Joldasbekov kósheleriniń qıylysyna qoıylǵan eskertkish shabytty sazgerdiń óz minezinen quıylǵandaı, sátti shyqqandyǵymen halyqty qýantyp tur.
Eskertkishtiń avtory Meıirman Ázmaǵanbetovtyń aıtýynsha, músin eki aı ishinde jasalǵan. «Men uly tulǵanyń talantyna tabynýshylardyń birimin. Sondyqtan, músindi erekshe bir shabytpen, bar yqylasymmen jasadym», – deıdi ol.
Eskertkishte daryndy tulǵanyń sahnada shabyty shalqyp turǵan sáti beınelengen.
Eńseli eskertkishke qarap turyp qazaqtyń birtýar ónerpazy Qanabek Baıseıitovtiń: «Nurǵısanyń tula boıy tolǵan dybys qoı, onyń denesinen bir japyraq etti úzip alyp, laqtyryp tastasań, ol ekesh oǵan deıin búlkildep, óleń aıtyp jatady» degeni eske túsedi.
Eskertkishtiń ashylý saltanatynda qoǵam qaıratkerleri, aqyn-jazýshylar men óner sheberleri, sonymen qatar, kompozıtordyń shákirtteri men týǵan-týystary boldy. Jınalǵan jurtshylyq aldynda Almaty qalasynyń ákimi Ahmetjan Esimov uly sazgerdiń ulttyq mýzykaǵa sińirgen eńbegin saralap ótti.
– Nurǵısa Tilendıev qazaq kúıleri men ánderiniń damýyna úles qosqan óner ıesi ǵana emes, ol ónerdiń álemdik teorııasyn jáne tarıhyn tereń zerttegen tulǵa. Sondyqtan da, onyń shyǵarmalarynda ulttyq áýender men klassıkalyq mýzyka jaqsy úılesim tapqan. Onyń mýzykalyq týyndylaryna kóptegen sheteldik mamandar tańdaı qaǵatyn. Nurǵısa Tilendıevtiń muralaryn sózben ólshep, sanaý múmkin emes. Ol qazaq mýzykasyn bıik deńgeıge kóterdi, – dedi.
Shyǵarmashylyq ǵumyrynda 500-den astam mýzykalyq tól týyndylardy týdyrǵan Nurǵısa Tilendıevtiń jary Darıǵa Tilendıeva da kóp aldyna shyǵyp:
– Dırıjerlik etip turǵanda Nurǵısa erekshe rýhtanyp ketetin. Músinde sol rýh qatty baıqalady. Eskertkish kóńilimnen shyqty, – dep aǵynan jaryldy.
Bir aıta ketetin jaıt, ótken jyldary kóp qyrly, alýan syrly asta- tók darynǵa Taraz jáne Taldyqorǵan qalalarynda eskertkish ornatylǵanyn aıta ketsek deımiz.
Aınash ESALI, Almaty.
Sýretti túsirgen Aıtjan SALYQULY.
Osydan 13 jyl buryn dáýlesker kúıshi, uly sazger Nurǵısa Tilendıevtiń ómirden ótkeni ózimizge belgili. Endi, mine, araǵa bir múshel salyp kompozıtor, dırıjer, oryndaýshy retinde óshpes iz qaldyrǵan sýretkerdiń músini ońtústik astananyń qaq ortasynan qasqaıyp oryn aldy.
Almatydaǵy Fýrmanov pen Joldasbekov kósheleriniń qıylysyna qoıylǵan eskertkish shabytty sazgerdiń óz minezinen quıylǵandaı, sátti shyqqandyǵymen halyqty qýantyp tur.
Eskertkishtiń avtory Meıirman Ázmaǵanbetovtyń aıtýynsha, músin eki aı ishinde jasalǵan. «Men uly tulǵanyń talantyna tabynýshylardyń birimin. Sondyqtan, músindi erekshe bir shabytpen, bar yqylasymmen jasadym», – deıdi ol.
Eskertkishte daryndy tulǵanyń sahnada shabyty shalqyp turǵan sáti beınelengen.
Eńseli eskertkishke qarap turyp qazaqtyń birtýar ónerpazy Qanabek Baıseıitovtiń: «Nurǵısanyń tula boıy tolǵan dybys qoı, onyń denesinen bir japyraq etti úzip alyp, laqtyryp tastasań, ol ekesh oǵan deıin búlkildep, óleń aıtyp jatady» degeni eske túsedi.
Eskertkishtiń ashylý saltanatynda qoǵam qaıratkerleri, aqyn-jazýshylar men óner sheberleri, sonymen qatar, kompozıtordyń shákirtteri men týǵan-týystary boldy. Jınalǵan jurtshylyq aldynda Almaty qalasynyń ákimi Ahmetjan Esimov uly sazgerdiń ulttyq mýzykaǵa sińirgen eńbegin saralap ótti.
– Nurǵısa Tilendıev qazaq kúıleri men ánderiniń damýyna úles qosqan óner ıesi ǵana emes, ol ónerdiń álemdik teorııasyn jáne tarıhyn tereń zerttegen tulǵa. Sondyqtan da, onyń shyǵarmalarynda ulttyq áýender men klassıkalyq mýzyka jaqsy úılesim tapqan. Onyń mýzykalyq týyndylaryna kóptegen sheteldik mamandar tańdaı qaǵatyn. Nurǵısa Tilendıevtiń muralaryn sózben ólshep, sanaý múmkin emes. Ol qazaq mýzykasyn bıik deńgeıge kóterdi, – dedi.
Shyǵarmashylyq ǵumyrynda 500-den astam mýzykalyq tól týyndylardy týdyrǵan Nurǵısa Tilendıevtiń jary Darıǵa Tilendıeva da kóp aldyna shyǵyp:
– Dırıjerlik etip turǵanda Nurǵısa erekshe rýhtanyp ketetin. Músinde sol rýh qatty baıqalady. Eskertkish kóńilimnen shyqty, – dep aǵynan jaryldy.
Bir aıta ketetin jaıt, ótken jyldary kóp qyrly, alýan syrly asta- tók darynǵa Taraz jáne Taldyqorǵan qalalarynda eskertkish ornatylǵanyn aıta ketsek deımiz.
Aınash ESALI, Almaty.
Sýretti túsirgen Aıtjan SALYQULY.
