Kómek kórsetýge qashanda daıynbyz

Halyq densaýlyǵyn saqtaý salasyn damytýǵa arnalǵan «Sa­­lamatty Qazaqstan» baǵdarlama­­syn júzege asyrýǵa «Qazavıa­qut­qarý» AQ ujymy óz úles­te­rin qosýda. Densaýlyq saqtaý mınıstrligimen birge Shyǵys Qa­zaqstan, Aqmola, Batys Qazaq­stan, Atyraý, Almaty, Qyzyl­orda, Pavlodar, Qostanaı, Oń­tús­tik Qazaqstan, Soltústik Qa­zaq­stan, Mańǵystaý oblysta­ry­nyń aımaqtary boıynsha medı­sınalyq kómek kórsetý boıynsha júıeli jumystar júrgizilýde. Sol sekildi Astana, Almaty, Aty­­­­raý, Qyzylorda qalalarynda qury­lym­nyń aımaqtyq ortalyq­tary ashyldy. Ondaǵy maqsat –  bi­likti medısına mamandaryn ýaq­tyly jetkizýge naýqastarǵa jedel jár­dem kórsetý. Sanıtarlyq avıasııanyń kó­megimen Otanymyz boıynsha 56 tapsyrys, onyń ishinde 38 tasy­maldaý múltiksiz oryndalyp, 18 ártúrli dárigerlik keńes berildi. Buǵan mysal retinde myna dá­ıek­ti keltirýge bolady. Jaqynda Al­ma­ty kóp baǵdarly klınıka­synyń eki dárigeri Narynqol aý­danyna jetkizilip, onda naýqasqa jedel túrde operasııa jasaldy. Sol sekildi  Atyraýdan Aqtaýǵa tapsyr­ma­men Mı-706 tikushaǵy ushyp shyqty. Sol jerde naýqas balaǵa medısınalyq kómek kór­setilip, artynan ata-anasymen Aqtóbege jetkizildi. Sanıtarlyq tikushaq ekıpajdarynyń qura­my, qandaı qıyn jaǵdaılarda bol­masyn, naý­qas adamdarǵa kó­mek kórsetý úshin tapsyrma­lar­dy oryndaýda. Qazaqstan Respýblıkasy Táý­elsizdiginiń 20 jyldyq mereı­to­ıy qarsańynda, elimizde ártúrli mańyzdy ister júzege asýda. So­lardyń biri «Salamatty Qazaq­stan» memlekettik baǵdarlamasy boıynsha sanıtarlyq tikushaq­tar­dy satyp alý, ushqyshtar men ınjenerler quramyn jaqsartý jáne kóbeıtý. Sanıtarlyq tik­ushaq­tar medısınalyq modýlder­men jabdyqtalǵan. Atap aıt­­qanda, tikushaqtyń bortyna al­yn­ǵan naýqastarǵa júrek, ókpe, qan qysymy, búırek, gıneko­lo­gııa­lyq, t.b. aýrýlarǵa qarsy kó­mek kórsetiledi. Aldaǵy ýaqytta da «Qazavıa­qutqarý» AQ Jedel medısı­na­lyq kómek respýblıkalyq ǵyly­mı ortalyǵymen birlesip Qazaq­stan halqynyń densaýlyǵyn jaq­sartýǵa, qaterli aýrýlardyń al­dyn alýǵa, der kezinde medı­sı­nalyq kómek kórsetýge árdaıym óz úlesin qosa beredi. Kúltaı ÁMIREEVA, «Qazavıaqutqarý» AQ aǵa mamany.