Naqty usynystar berildi

Keshe Qazaqstan Respýblıka­sy Qaýipsizdik Keńesi janyn­da­ǵy Saraptama keńesiniń oty­rysy ótkizildi. Kún tártibinde Qazaqstandaǵy sý qaýipsizdigi men azyq-túlikpen qamtamasyz etýdiń ózekti máse­le­le­ri qarastyryldy. Talqylaý bary­syn­da Qazaqstan Respýblıkasy Pre­zıdentiniń kómekshisi – Qaýip­sizdik Keńesi Hatshylyǵynyń hat­shy­sy Marat Tájın ǵalamdyq úr­dis­ter men Qazaqstan ekonomı­ka­synyń qarqyndy damýy azyq-túlik pen sý resýrstaryn basqarýda memlekettik saıasatty jetildirýdi qajet etetindigin atap ótti. Sarapshylardyń pikirinshe, Qa­zaq­stan Respýblıkasyndaǵy azyq-túlik qaýipsizdigin qamtamasyz etýde mańyzdy shara aýyl sharýa­shy­ly­ǵy ónimderin jáne azyq-túlik rynogyn damytý bolyp tabylady. Otyrys barysynda ulttyq deń­geı­de sý qaýipsizdigin qamtamasyz etý máselesi aımaqtaǵy jaǵdaıdy eskere otyryp, tereń sarapqa salyndy. Otyrystyń qorytyndysy boı­ynsha Saraptama keńesi Qazaqstan Respýblıkasy Qaýipsizdik Keńesi jáne onyń vedomstvoaralyq komıssııa jumysynda qoldaný úshin naqty usynystar berdi. «Egemen-aqparat».