Prezıdenttiń zııatkerlik mektebi

«Bereke» shaǵyn aýdanynyń ajaryn  kirgizip,  sán-saltanatyn arttyratyn bolady Oblys ortalyǵynyń bas jos­paryna sáıkes qalanyń shet­keri aımaqtaryna qu­rylys nysan­da­ryn salý jobasy bas­talyp ketti. Basshylyq nazaryna aldy­men Benzostroı kenti ilikti. Ma­ńaı­da ıgerilmegen jerler kóp. Jylý júıesi jaqyn ornalas­qan. Aýyldyq eldi mekenderden kóship kelýshilerdiń sany arta túsken. Sirá, osy faktorlar aldymen eskerilgen bolý kerek. Sóıtip, «Bereke» degen atqa ıe bolǵan bolashaq jańa shaǵyn aýdannyń negizi qalana bastady. Petropavl qalasy ákiminiń oryn­ba­sary Anton Makarov­tyń sıpat­taýyn­sha, 175 gektar aýmaqty alyp jatqan shaǵyn aýdanda birinshi kezekte bes qabatty úsh 95, bir 80 páterlik jalgerlik-kommý­nal­dyq tur­ǵyn úı, Prezıdenttiń zııatkerlik mektebi, 1500 oryndyq ja­byq stadıony bar sport sa­raıy, 360 oryndyq balabaqsha salynyp, odan ári 5 jáne 9 qabatty turǵyn úıler, mektep, bala­baq­sha, kóp fýnksııaly qo­ǵamdyq or­talyq, meshit, shirkeý boı kóteredi. Sóıtip, áleý­mettik-qurylys ınfra­­qu­rylymy kenjelep qal­ǵan qalanyń osy bóligin abat­­tandyrý 5-7 jylǵa josparlanǵan. Bul kúnderi Sennaıa baza men Benzostroı kent­teri ara­syndaǵy alań­da qu­­rysh qoldy qu­rylys­shy­lar tur­ǵyn úıler sa­lýǵa kirisip ketken. 5 qa­­batty 95 páter­li turǵyn úıdi tur­ǵyzýmen Sergeı Tımo­feevtiń jetekshiligindegi «Os­novanıe» kompanııasy aınalysyp, qysqa merzim ishinde irgetasyn quı­yp bitirdi. Eki brı­ga­daǵa top­tasqan qurylys­shy­lardyń qı­my­ly­na kóz ilespeıdi. Qa­zirgi qar­qyn­ǵa qara­ǵan­da, kelesi jyldyń osy merziminde tapsyrýǵa tas-túıin ázir bo­lýy tıis 80 páterlik kóp qabatty úıdi salýmen aına­lysatyn «Alfa-Sever» JShS qurylys­shy­la­ry­nyń qımyly da shıraq seziledi. Osy jerde Qazaqstannyń Tuń­ǵysh Prezıdentiniń 120 oryndyq jataqhanasy bar 720 oqýshyǵa arnalǵan zııatkerlik mektebi tur­ǵyzylatyn bolady. Jaqynda ózin­dik sán-saltanatymen aıryq­sha kóz tartatyn erekshe bilim or­da­synyń al­ǵash­qy kirpishin qa­laýǵa arnalǵan saltanatty rásim ótti. Oblys ákimi Serik Bilálov El­basynyń tikeleı tapsyr­ma­sy­men sa­ly­n­ǵa­ly otyrǵan Tuńǵysh Prezı­dent­tiń hımııa-bıologııa ba­ǵytyndaǵy zııatkerlik mektebi Táýelsizdiktiń 20 jyl­dy­ǵy qar­sa­ńyndaǵy aıtýly oqıǵa ekenin atap ótti. «Respýblıkada 20 zııatkerlik mektep daryndy balalardy úzdik joǵary oqý oryndary úshin daı­yn­daýdyń negizgi ar­qaýy­na aınalatyn bolady», de­gen Elbasynyń sózderin keltire oty­ryp, óńir basshysy ny­sannyń kelesi jyly paı­da­lanýǵa beriletinine senim bildirdi. «VAUR Kazakhstan» AQ-tyń dırektorlar keńesiniń tór­aǵasy Abaı Junysovtyń aıtýyna qaraǵanda, Benzostroı kentiniń ajaryn ashatyn bilim ǵımaraty bes gektar aýmaqta ornalas­qan. Mektep 68 oqý sy­ny­bynan tura­dy. Deneshynyq­ty­rý-sport kesheninde fýtbol, voleıbol, basketbol, hokkeı, je­ńil atletıka alańdary, júzý bas­seıni, sport jáne jattyǵý zal­dary bolady. Zamanaýı qu­ral-jabdyqtar ornatylyp, 10 aı­dyń ishinde iske qosý kózdelgen. Kompanııanyń osyndaǵy fı­lıaly­nyń bastyǵy Ańsaǵan Qabdóshev bizge ǵımarattyń qurylys jumystaryna 2,9 mıl­lıard teńge qaras­ty­ryl­ǵanyn, qazirdiń ózinde 200 adam­nyń jumysqa tartyl­ǵa­nyn jetkizdi. Buryndary qa­ty­nas óte qıynǵa tússe, endi joldar asfalttalyp, Omby ba­ǵytyndaǵy aınalma tas jolǵa qosylǵan. Qoǵamdyq kólikter sany kóbeıgen. «Igerýsiz jatqan ıen dalada «Bereke» jańa sha­ǵyn aýdanynyń paıda bolýy Táýel­sizdigimizdiń arqasy. Elbasyna aıtar alǵy­symyz sheksiz», deıdi qýa­nysh­tary qoınyna syımaǵan Sennaıa baza jáne Benzostroı kentteriniń tur­ǵyndary. О́mir ESQALI, Soltústik Qazaqstan oblysy.