IýSKO: Logıstıkalyq jańa ortalyq sapaly ári tıimdi qyzmet kórsetpek

Qandaı salada bolsyn kásibı sheberlik pen iskerlik jáne jı­naqtalǵan mol tájirıbe aýqymdy tabystarǵa sózsiz qol jetkizetindigi kópshilikke belgili. Osy oraıda «IýSKO Logıstıks Interneshnl» kompanııasynyń bul ba­­ǵyttaǵy sátti qadamdary týraly erekshe atap aıtý qajet. Eń aldymen, «IýSKO Logıstıks Interneshnl» kompanııasy Qazaqstan Respýblıkasy aýmaǵyndaǵy lo­gıs­­­­tıkalyq qyzmet kórsetetin tájirıbeli operator bolyp esepteletindigi kóp nárseden habar berse kerek. Jaqynda «IýSKO Logıstıks Interneshnl» kópshilikke óte tıimdi jobanyń tusaýkeserin ótkiz­di. Anyǵyraq aıtqanda, ótken ap­tanyń juma kúni Almaty obly­synyń Talǵar aýdanyndaǵy «Ja­ńa­lyq» aýylynda jańa logıs­tıkalyq ortalyqtyń ashylýy sal­tanatty túrde ótti. Jańa keshen qurylysynyń ashylý sal­tanatynda sóz alǵan «IýSKO Logıstıks Interneshnl» kompanııa­sy basqarmasynyń tóraǵasy, doktor Chan Ian Beng «búgingi kúnniń joǵary talabyna saı, sapaly jab­dyqtarmen jabdyqtalǵan lo­gıstıkalyq keshenniń el ekono­mıkasyn odan ári arttyrýǵa yq­pal etetindigin» atap aıtty. Qa­zaqstan naryǵyndaǵy alǵashqy logıstıkalyq operator «IýSKO-nyń» bul jobasy Ońtústik Koreıa­daǵy «MMAA» atty iri halyq­aralyq ınvestor, Áskerı ózara kómek assosıasııasymen birlesip júzege asyrylyp otyr. Logıstıka jáne qoıma sala­synyń basshylarynyń pikirinshe, halyqaralyq ınvestordyń bul jobaǵa múddelilik tanytýynyń eń basty sebebi, Qazaqstanda lo­gıstıkalyq ındýstrııanyń da­mýy­nyń keleshegine tikeleı qa­tysty. Sonymen qatar, respýb­lı­kanyń geografııalyq jaǵynan ornalasý qolaılylyǵy, kóliktik-tranzıttik mol qýaty, memle­ket­tiń Keden odaǵyna enýi men bo­lashaqta Búkilálemdik saýda uıy­myna múshelikke ótýine de tyǵyz baılanysty. Almaty oblysynda óz tutynýshylaryna esigin aıqara ashqan jańa logıstıkalyq keshen­niń eń basty ereksheligi – ortalyq óz tutynýshylaryna logıstıka­lyq jáne qoıma qyzmetteriniń barlyq túrlerin, atap aıtqanda, «IýSKO Interneshnl» qoımaǵa jetkizilgen taýardy qabyldaýdan bastap, ýaqytsha qoımada saqtaý ony kedendik rásimdeý, esepke alý jáne túgendeý sııaqty basqa da logıs­tıkalyq operasııalardy uq­yp­ty ári tııanaqty túrde atqarady. Kompanııanyń negizgi tuty­ný­shylary bolyp eseptelinetin «Nes­tle», «Kimberly-Clark» pen «Proc­ter&Gamble» jáne de basqa halyq­aralyq kompanııalarmen bir­neshe jyl jumys isteı otyra «IýSKO Interneshl» óz qyzme­tinde qoıma­larda taýardy saqtaý­dyń halyq­ara­lyq standarttaryn engizip qana qoıǵan joq. Sonymen qatar, bul kompanııa, halyqaralyq aýdıt nátı­jeleri boıynsha joǵa­ry deńgeıge qol jetkizip, memlekettik organ­dar­dyń kepildik syı­lyǵyn da ıelendi. Qaınar aýyldyq okrýgine qa­raıtyn «Jańalyq» aýylyndaǵy jańa logıstıkalyq keshen jıyr­ma gektar alańǵa ornalasqan. Al, júk­terdi qabyldaıtyn qoıma­lar­dyń jalpy kólemi 32000 sharshy metrdi quraıdy. Qoımadaǵy oryn­dar ar­na­ıy temperatýrada jyly­ty­­latyn úsh túrli blok­tan tura­dy. Oǵan júk­terdi ar­naıy saq­taıtyn negizgi aýmaq­tan basqa taýar­lardy ýa­qyt­sha saq­taıtyn qoıma (3200 shar­shy metr) men ashyq alań (7920 shar­shy metr) jáne kedendik qoı­ma da (1000 sharshy metr) enedi. Árıne, munyń barlyǵy ortalyq­tyń óz tutynýshylaryna kórse­te­tin qyz­met­teriniń sapaly ári tıimdi bola­tyndyǵynyń aıqyn aı­ǵaǵy ekendigi aıtpasa da túsinikti. Logıstıkalyq ortalyqtyń tu­saýkeserinde sóz alǵan Ońtús­tik­koreıalyq ınvestor «MMAA» óki­li Mýn Djom Sý, keshenniń qu­rylys jumystaryn júrgizgen bas merdiger «Samsung Enineering» kompa­nııasynyń basqarýshy dı­rek­tory Lı Han Sop, Almaty oblysy áki­miniń orynbasary Sáken Jylqaı­darov jáne «IýSKO Logıstık Interneshnl»-diń prezıdenti Naz­gúl Ospanova jańa jobanyń memleketimizde kóliktik-logıstıkalyq klasteriniń odan ári damýyna jol ashatyndyǵyn tilge tıek etti. Taǵy bir aıta ketetin jáıt, kompa­nııa­nyń jaqsy jabdyqtalǵan qoıma ǵımarattary Almaty qalasynda ǵana emes, Astana men Atyraý qa­lalarynda da bar. Jalpy aýmaǵy 60 myń shar­shy metrge jetetin bul keshender tutynýshylardyń joǵa­ry tala­by­nan shyǵýda. Olardyń ara­­synda otandyq kompanııalarmen qatar, halyqaralyq kompanııalar da bar. 250-deı jumys or­ny­men qamtamasyz etetin bul jo­ba­nyń bolashaqta Talǵar aýdanynyń áleý­mettik salasyna da qosar úlesi zor desek bolady. Baqyt BALǴARINA, Almaty.