Tolǵandyrǵan saýaldar jaýabyn tapty

Keshe Astanada «Sanıtarlyq-epıdemıologııalyq qa­da­ǵalaý salasyndaǵy zańnamalardyń ereksheligi. Bıznesti júrgizý sharty» atty taqyrypta dóńgelek ústel oty­rysy ótti. Áńgime Saýda-ónerkásip palatasy kásipkerler men Densaýlyq saqtaý mınıstrliginiń memlekettik sanı­tarlyq-epıdemıologııalyq qadaǵalaý komıteti ókilderi arasynda órbidi. Jıynda baıandama jasaǵan Densaýlyq saqtaý mı­nıstrliginiń Memlekettik sanıtarlyq-epıdemıologııalyq komıtetiniń tóraǵasy Jandarbek Bekshın saladaǵy bir­qatar sharýalarǵa toqtala kele, keıbir kásipkerlerdiń áli de bolsa sanıtarlyq talaptardy saqtaýda salǵyrttyqtar tanytatynyn qynjyla aıtty. Sondaı-aq bas sanıtar osynyń saldarynan astan ýlaný faktisi tirkelgen elimiz qalalaryndaǵy biraz meıramhanalar men kafelerdi tilge tıek etti. Qaıǵyly jaǵdaıǵa deıin aparýy múmkin salaqtyqtyń aldyn alý árbir kásipkerdiń mindeti ekenin de nazardan tys qaldyrmady. – Kásipkerler men bılik ókilderi arasyndaǵy tikeleı únqatysý, sonymen qatar, olardyń quqyqtary men zańdy múddelerin qorǵaýdyń ózekti máseleleri dóńgelek ústel­diń basty maqsaty bolyp tabylady. Bizdiń mindetimiz, otandyq kásipkerlerdiń bıznesine meılinshe járdemdesý ekenin de aıtqan lázim, – deıdi Saýda-ónerkásip pala­ta­­­synyń vıse-prezıdenti Saltanat Ahanova. Atalmysh jıynda elýden asa qazaqstandyq kompanııa ókilderi ózderin tolǵandyrǵan túrli saýaldarǵa jaýap aldy. «Egemen- aqparat».