Aksııa qarqyn ala tústi

«Nur Otan» partııasynyń «Halyqtyń daýysy» respýb­lıkalyq aksııasy qarqyndy ótýde.  Búginge deıin búkil elimiz boıynsha 370 myń adam aksııaǵa qatysty. 19 qazanda partııa bastamasyn Aqmola oblysy turǵyndary da belsene quptady. О́ńirde birinshi kúnnen bastap anketa qaby­l­daı­tyn 43 oryn jumys jasaýda. Ol­ardyń barlyǵy adamdar kóp sho­ǵyrlanatyn jerlerde, iri saýda núktelerinde, óndiris jáne oqý oryndary ǵımarattarynda orna­las­qan. Qazirdiń ózinde 15 myń­­nan astam aqmolalyq óz tilekteri men usynystaryn jetkizdi. О́z amanattaryn qaldyrǵan el turǵyndary bul aksııanyń mańyz­dylyǵyna da basa nazar aýdarýda. Qazaqstan Táýelsizdigine 20 jyl tolǵan ýaqytta aıtylyp jatqan barlyq usynystar eldi odan ári jańǵyrtýǵa óz septigin tıgizetini sózsiz. Kókshetaýda aksııa aıasynda halyqqa qyzmet kórsetý ortaly­ǵynda «Jedel qabyldaý» uıym­das­tyryldy. Aksııaǵa qatysýshy, múgedekterdi qoldaý jónindegi «Úmit» qoǵamdyq qorynyń ókili atap ótkenindeı, aımaqtyq par­tııa­lyq uıymmen ózara árip­tes­tiktiń arqasynda Kókshetaýda gomodıaldyq aýrýlar demalatyn orynnyń qurylysy bastalǵan. Aksııa shahterlar qalasy – Qaraǵandyda da belsendi jalǵa­syn tabýda. Sharaǵa tek óndiris ujymdary men oqý oryndary em­es, qala turǵyndary da qyzý at­sa­lysýda. 19 qazanda «Halyq­tyń da­ýysy» aksııasy «Mır» aýlalyq klýbynda ótti. Aýlalyq klýb ózi­niń sporttyq jáne mádenı-ta­nym­dyq qyzmetterimen erekshelenedi. Bul jerde eresekter men balalarǵa arnalǵan túrli seksııalar men uıymdar bar. 300-den astam adam toǵyzqumalaq, shahmat, sporttyq bı jáne túrli úıir­me­lerge qatysý múmkindigine ıe. Aksııaǵa qatysýshylar elimizdiń 20 jyldyq mereıtoıyna degen ystyq yqylastaryn jetkizip, Elbasy Nursultan Nazarbaevqa kemel basshylyǵynyń arqasynda jetkizgen jetistikteri úshin al­ǵys­taryn bildirdi. «Nur Otan» partııasynyń «Ha­lyqtyń daýysy» aksııasy jalǵasýda. «Egemen-aqparat».