Memlekettik basqarýdyń tıimdiligi

19 qazanda Prezıdenttiń «Aqorda» rezıdensııasynda Qazaqstan Res­pýblıkasy Prezıdenti Ákimshiligi Basshysynyń orynbasary B.Baıbektiń tóraǵalyǵymen memlekettik basqarý tıimdiligin arttyrý máseleleri jóninde respýblıkalyq semınar ótti. Semınar sheńberinde memlekettik basqarý, baqylaý qyzmeti tıimdiligin je­tildirý jáne óńirler reıtıngin ót­ki­zý máseleleri talqylandy. Sondaı-aq, Elbasy Jarlyǵyna sáıkes júrgiziletin memlekettik organdar qyzmetiniń tıimdiligin jyl saıynǵy baǵalaý júıesine aıryqsha kóńil bólindi. Semınardyń jumysyna Prezıdent Ákimshiliginiń jáne Premer-Mınıstr Keńsesiniń jaýapty qyzmetkerleri, Reseı Federasııasy Prezıdentiniń Baqy­laý basqarmasynyń delegasııasy, son­daı-aq ortalyq atqarýshy organdardyń jaýapty hatshylary men Astana, Al­ma­ty qalalarynyń, oblystar ákimderiniń apparat basshylary qatysty. Reseı Federasııasy Prezıdentiniń kómekshisi – Baqylaý basqarmasynyń bas­tyǵy K.Chýıchenko Reseı Federa­sııa­sy Prezıdentiniń tapsyrmalary men basqa da sheshimderin iske asyrý úshin baqylaýdy qamtamasyz etý máse­lesi boıynsha óz tájirıbesimen bólisti. Baılanys jáne aqparat mınıstri A.Jumaǵalıev «Elektrondyq úkimet týraly», Memlekettik qyzmet isteri agenttiginiń tóraǵasy Á.Baımenov «Memlekettik qyzmettiń qazaqstandyq úlgisi týraly» baıandamalar jasady. Pikir almasý qorytyndylary boı­ynsha memlekettik organdar qyzmetiniń tıimdiligin odan ári arttyrý jóninde naqty tapsyrmalar berildi. «Egemen-aqparat».