Jańǵyrtý baǵdarlamasy jaıbaraqattyqty kótermeıdi

Keshe oblysqa   Premer-Mınıstrdiń birinshi orynbasary О́mirzaq Shókeev  jumys babymen keldi. Ol sapar barysynda qalalyqtardyń turǵyn úı jaǵdaıyn jaqsartý maqsatynda salynyp jatqan jáne paıdalanýǵa berilgen nysandarda boldy. Oblys ortalyǵyndaǵy  turǵyn úı-kommýnaldyq sharýashylyǵyn jańǵyrtý baǵdarlamasynyń júzege asý barysymen tanysty. Úkimettik delegasııa aldymen  turǵyn úı qurylys jınaq  júı­e­s­i arqyly respýblıkalyq bıýd­jet qarjysyna «Bolashaq» sha­ǵyn aýdanynda salynyp jatqan  úılermen tanysty. 168 páterli turǵyn úıdiń bir sharshy metri 90 myń teńge turady. Qurylysty aralap kórgen О́.Shókeevtiń ju­mys­tyń qarqyny men sapasyna kóńili toldy. Osy jerde óńirdegi turǵyn úı qurylysy jaıynda oblys ákiminiń orynbasary Erhan Omarov tolyq málimet berdi. Premer-Mınıstrdiń birinshi oryn­basary jaqynda ǵana paı­dalanýǵa berilgen 72 páterli kommýnaldyq  turǵyn úıge de kirip, qanshalyqty sapaly salyn­ǵanyna kóz jetkizdi. О́.Shókeev osy jerde  kommý­nal­dyq sharýashylyqta qoldany­latyn ınnovasııalyq tehnologııalar kórmesimen tanysty. Oblys ákimi Arhımed Muhambetov osy salada tabysty jumys istep júrgen kórmege qatysýshylardy tanystyrdy.  Kórmede «Akvatorııa Aqtobe» JShS ónerkásiptik jáne sý júıesiniń qysymyn art­tyrýǵa arnalǵan «Grıýnlfýs» nasos stansasynyń,  jylý júıesin retteıtin «Blover-Aýdıt»  qon­dyr­ǵysynyń tusaýy kesildi. Birinshi vıse-premer sondaı-aq, tur­ǵyn úı-kommýnaldyq sharýa­shy­lyǵyn jańǵyrtý baǵdarlama­sy aıasynda qaıta jaraqtan­da­ryl­ǵan       úılerde de boldy. Ju­mys sapasyna rıza bolǵan О́.Shó­keev turǵyndarmen kezdesip, baǵ­darlamaǵa qatysty oı-pikir­le­rimen bólisti. Jańǵyrtýdyń ıgiligin kórgen turǵyndar osy baǵ­darlamanyń bastamashysy Elba­sy Nursultan Nazarbaevqa sheksiz alǵystaryn bildirdi. «Nur Otan» HDP oblystyq fı­lıalynda oblystar men qa­la­lar ákimderiniń orynbasar­la­rynyń qatysýymen ótken keńesti  О́mirzaq Shókeev ózi ashyp,  budan bylaı qanatqaqty baǵdarlamany júzege asyrýda jaıbaraqattyqqa salynýǵa jol berilmeıtinin qa­dap aıtty. Ásirese, baǵdarla­ma­ny júzege asyrýda sylbyrlyqqa jol berip otyrǵan óńirler synǵa alyndy. Baǵdarlamany júzege asyrýda  Aqtóbe oblysynyń kósh bastap kele jatqany aıtyldy. Keńeste sol sııaqty  qurylys jáne turǵyn úı-kommýnaldyq sha­rýashylyǵy  agenttiginiń tór­aǵa­sy Serik Nokın 2012-2020 jyldarǵa arnalǵan turǵyn úı-kommýnaldyq sharýashylyǵy baǵ­dar­lamasyn júzege asyrý barysy týraly baıandady. Satybaldy SÁÝIRBAI, Aqtóbe oblysy.