Ytymaqtastyqqa umtylady

Almatyda Túrkitildes memleketter yntymaqtastyǵy keńesiniń sammıti aıasynda bıznes-forým jáne Túrkitildes elderdiń iskerlik keńesiniń alǵashqy májilisi bolyp ótti. Alqaly jıynǵa Túrkııa, Ázerbaıjan, Qyrǵyzstan jáne Qazaqstan memleketteriniń ókilderi qatysty. Halyqaralyq forým jumysynyń kún tártibine birqatar mańyzdy máseleler qoıyldy. Sonymen qatar, onda Túrkitildes memleketterdiń iskerlik keńesin qurý týraly kelisimge de qol qoıyldy. Túrkitildes elderdiń iskerlik keńesiniń alǵashqy májilisinde sóz alǵan «Atameken» Qazaqstan ult­tyq-ekonomıkalyq palatasynyń bas­qarma tóraǵasy Abylaı Myr­zah­metov jınalǵandarǵa túbi bir týys, baýyrlas elder arasyndaǵy yntymaqtastyq baılanys keleshekke jarqyn jol ashatyndyǵyn tilge tıek etti. – Kópshilikke belgili, búgingi kúnniń joǵary talabyna oraı ult­tyq bıznesti odan ári damytyp, órkendetýge arnalǵan jańa jol­dar­dy izdestirip tabý eń basty máselelerdiń biri. Iskerlik keńe­si­niń búgingi alǵashqy otyrysyna qatysyp otyrǵan Túrkııa, Ázer­baı­jan, Qyrǵyzstan jáne Qa­zaq­stan memleketterindegi uıymdar­dyń jetekshileriniń de bıznes sa­lasyndaǵy bolashaqtaǵy jobala­ry, mine, osyndaı mindetterden týyndaıdy. Bizdiń memleketterimizdiń ara­syn­daǵy ejelden qalyptasqan dos­tyq, dástúrli qarym-qatynas, sondaı-aq elimizdiń orna­la­sýyn­daǵy geografııalyq jaqyndyqtyń kópshilikke bereri mol. Anyǵyraq aıtqanda, mundaı múmkindik memleket ekonomıkasyn qarqyndy da­my­tý baǵytynda birlesip, jemisti eńbek etýge yqpal etetindigi sóz­siz. «Yntymaq bar jerde – yrys bar» dep halqymyz aıtqandaı, bar­­lyǵymyz birlesip, kásipkerler múddesine oraı, iskerlik keńesiniń ju­mysyn órkendetetinimizge me­niń senimim mol, – dedi Abylaı Myr­zahmetov óz oıyn ortaǵa salyp. Qazaqstannyń Túrki tildes mem­leketter yntymaqtastyǵy ke­ńe­sine enetin eldermen arasyn­daǵy baılanysy ýaqyt ótken saıyn arta túsýde. Al, syrtqy eko­nomıkalyq qatynasta taýar aınalymynyń 40 paıyzǵa ósýi de kóp nárseden habar berse kerek. «Atameken» palatasynyń má­limetteri boıynsha, Qazaqstannyń Túrkııamen aradaǵy taýar aına­ly­my jáne ınvestısııa boıynsha ty­ǵyz baılanys ornaǵan. Máselen, elimizde túrik áriptestermen birlesken bir myńǵa jýyq kásiporyn qurylǵan. Sondaı-aq, Ázerbaı­jan­men, Qyrǵyzstanmen aradaǵy iskerlik baılanystar da odan ári damı túsýde. Halyqaralyq forýmda Ázerbaıjan Respýblıkasynyń kásipkerler uıymy ulttyq kon­ferensııasynyń prezıdenti Mamed Musaev, Qyrǵyzstan Saýda-óndiristik palatasynyń prezıdenti Marat Sharshekeev jáne bas­qa­lar kún tártibindegi máseleler tó­ńi­reginde óz pikirlerin ortaǵa saldy. Túrkitildes memleketter yn­tymaqtastyǵy keńesiniń bas hat­shysy Halıl Akyndjı óz kezeginde kedendik qyzmettegi túıtkilder tóńireginde oı qozǵady. – Memleketter arasyndaǵy saý­da aınalymy týraly sóz qoz­ǵal­ǵanda kedendik másele, sondaı-aq tranzıttik qujattar alý má­se­lesi aldan shyǵatyndyǵy aqıqat. Son­dyq­tan, barlyǵymyz birlesip biz­diń elderimizge arnalǵan iskerlik qatynastyń jeńildetilgen júıe­­sin qurýymyz qajet. Sony­men birge, iskerlik keńes aıasynda kólik jáne baılanys agenttigin qurýdyń tórt memleket úshin de bereri mol, – dedi bas hatshy. Bıznes-forýmda tórt memle­ket­tiń kásipkerleri eki jaqty kezdesýler ótkizdi. Jıyndy uıym­das­tyrýshylardyń pikirinshe, mun­daı júzdesýler jańa kelisim-­shart­tar­ǵa jol ashyp, yntymaqtastyqty ul­ǵaıtpaq. Baqyt BALǴARINA. Almaty.