Kedendik komıssııa men notarıat jumysy zańnamalyq turǵydan jetildirildi

Keshe Senat Tóraǵasy Qaırat Mámıdiń tóraǵalyq etýimen palatanyń kezekti jalpy otyrysy bolyp ótti. Bul jolǵy otyrystyń kún tártibinde depýtattar Keden odaǵy komıssııasy men notarıat máselelerine qatysty zańdyq qujattardy qarady. Aldymen depýtattarǵa «2007 jylǵy 6 qazandaǵy Keden odaǵy­nyń komıssııasy týraly shartqa ózgerister men tolyqtyrýlar engizý týraly hattamany ratıfıkasııalaý týraly» zań jobasyn Syrt­qy ister mınıstriniń oryn­ba­sary Qaırat Sarybaı tanys­tyr­dy. 2007 jyly Dýshanbe qa­lasynda Eýrazııalyq ekono­mı­ka­lyq qoǵamdastyqtyń (EýrAzEQ) Memleketaralyq keńesiniń oty­ry­sy barysynda EýrAzEQ-qa mú­she memleketter basshylary Keden odaǵy komıssııasy týraly shartqa qol qoısa, araǵa úsh jyl salyp, komıssııa ju­my­synyń  tıimdiligin arttyrý maq­sa­tynda atal­ǵan shartqa ózge­ris­ter men to­lyqtyrýlardy qaras­ty­ratyn hattama  ómirge kelgen edi. Hattamada Keden odaǵy ko­mıs­sııasynyń sheshimi  30 kún ishin­de kúshine enetini kózdelgen-tin. Sonymen birge, kezek kúttir­meı­tin jaǵdaılar úshin basqa mer­zimge aýystyrý da qaras­ty­rylǵan edi. Komıssııaǵa jekelegen máseleler boıynsha Keden odaǵyna múshe memleketterdiń usy­nystaryn qaraý jáne usta­nymdarymen kelisý, sondaı-aq komıssııaǵa tıisti usynystardy ázirleý úshin úılestirýshi jáne keńesýshi organdar qurýda  kómek berý de kózdelgen. Búgingi tańda Keden odaǵy aıasynda  keńesýshi jáne kómek berýshi organdar ju­mys atqarýda. Syrtqy saýdany retteý máselesi boıynsha teh­nı­ka­lyq retteý, sanıtarlyq, vete­rı­narlyq, fıtosanıtarlyq sha­ra­lardy qoldaný jónindegi úı­les­tirýshi komıtet qyzmet ja­saıdy. Senat depýtattary zań jo­basyn biraýyzdan qoldap, qa­byldady. Kún tártibinde ekinshi qaral­ǵan másele «Notarıat týraly» Qa­zaqstan Respýblıkasynyń za­ńy­na ózgerister men tolyq­ty­rý­lar engizý týraly» zań jobasy boldy. Ol boıynsha baıandamany Ádilet mınıstri Rashıd Túsip­be­kov jasady. Mınıstr zań jobasy notarıat salasyndaǵy memlekettik retteýdi jetildirý jáne de sybaılas jemqorlyq jaǵdaı týǵyzatyn normalardy alyp tastaý maqsatynda ázirlengendigin jetkizdi. Notarıattardyń sanyna shekteý qoıý joıylady. Al bul lısenzııasy jáne mol tájirıbesi bar 2 myńnan astam adamdy ju­mysqa aldyryp otyr. Qazirgi ýaqytta notarıattyqqa kandıdat adamǵa kirý jarnasy 1-den 3 mıllıon teńgege deıingi kólemde belgilenip otyr.  Sondaı-aq, kadrlyq rezerv týraly erejeni jáne bos turǵan notarıýs qyzmetine orna­la­sýǵa konkýrs ótkizýdi joıý, no­ta­rıattyq qyzmettiń uıymdas­ty­ry­lýyn, notarıattyq keńseler­diń úı-jaılaryna qoıylatyn talaptar belgilenýin reglamentteý jáne de quqyqtyq jáne tehnı­ka­lyq sıpatta kórsetilgen qyzmet­ter aqysyn naqty belgileý qaras­tyrylǵan. Joba boıynsha depýtattar qoı­ǵan saýaldarǵa R.Túsipbekov pen onyń orynbasary Á.Amanbaev jaýap berdi. Mınıstrdiń oryn­ba­sa­ry senator Q.Baımahanovtyń su­ra­ǵyna oraı jaýabynda nota­rıat­tyq keńselerdiń qujattary qazirgi kezde kelisim-shart negizinde Memlekettik muraǵatqa ta­bystalyp jatqandyǵyn jetkizdi. Qazirgi tańda mundaı sharalar Al­maty, Qyzylorda jáne Sol­tústik Qazaqstan oblystarynda júzege asa bastaǵan. Al S.Jal­ma­ǵambetova saýalyna qatysty mınıstr jeke notarıattyq keń­se­lerge Eltańbany qoldaný boı­yn­sha ruqsat etilgendigin alǵa tartty. Osylaısha talqylaý ba­rysynda zań jobasyna 30-dan astam ózge­ris­ter engizildi. Sońynan «Notarıat týraly» Qazaqstan Respýblıkasy­nyń zańyna óz­geris­ter men to­lyq­tyrýlar engizý týraly» zań jobasy  Májiliske jiberildi. Asqar TURAPBAIULY.