Analardy jylatqany nesi?

Redaksııamyzǵa Shyǵys Qazaqstan oblysy Úrjar aýdanynan Raıhan Qusaıynova, Balǵyn Ákimjanova, Kúlásh Aqyntaeva jáne t.b. onshaqty ananyń qoly qoıylǵan hat keldi. Bular kóp balaly analar eken. О́zderine Prezıdenttiń Jarlyǵyna sáıkes berilgen «Altyn alqa» jáne «Kúmis alqa» tósbelgilerin alǵa­ny­men, qosymsha tólenetin memlekettik járdemaqyǵa qoldary jetpegen olar shyryldap, biraz tabal­dy­ryq­t­y tozdyrypty. Sonyń ishinde aýdan ákimine, Zeı­net­aqy tóleý ortalyǵynyń dırektoryna talaı barǵan­dary­men, mańdaılary tasqa tıgendeı, miz baqpaǵan kúıdi kóredi. Sodan kimge shaǵynaryn bilmeı júrgen jandar Májilis depýtaty, «Nur Otan» HDP Saıası keńesiniń múshesi Nurtaı Sabılıanovqa barady. Analardyń sharýasyna batyl aralasqan depýtat memlekettik bıýd­jetten bólingen tıisti aqshalarynyń qoldaryna tııýine muryndyq bolady. Tıisti dúnıeniń ózin zar qaǵyp alǵan analardyń Nurtaı Salıhulyna aıtar alǵysy sheksiz. «Sizge analyq aq júregimizben úlken rahmet aıta otyryp, denińizge saýlyq, otbasyńyzǵa amandyq tileımiz. Eńbegińiz elenip, halyqtyń alǵysyna bólene berińiz», deıdi kóp balaly analar. Durys eken, aıtqandaryna «áýmın» deıik. Biraq tıisti aqshalaryn qaltalarynan shyǵaratyndaı ýaqy­tyn­da bergizbeı, jazyqsyz jandardy shyryldatyp, esikten esikke júgirtip qoıǵan, sóıtip, mindetterine jaýapsyzdyqpen qaraǵan Úrjar aýdanynyń ákimi men tıisti sheneýnikterge ne deımiz. Kóp balaly analardyń osy taqylettes problemalary basqa jerlerden de estilip qalyp jatady. Sonda keıbir laýazym ıeleri men sheneýnikter anadan týmaǵan ba?! Buǵan oblys ákimdigi ne aıtar eken? Jaqsybaı SAMRAT.