Qolaısyz otbasy, qaraýsyz balalar jaıy sóz boldy

Parlament Májilisinde «Nur Otan» HDP Parlamentarızm ınstıtýty men BUU DB-nyń qoldaýymen «Qolaısyz otbasy, qaraýsyz jáne panasyz qalǵan balalar» taqyrybynda «Nur Otan» HDP-nyń Parlament Májilisindegi fraksııasy janyndaǵy Áleýmettik keńestiń dóńgelek ústel otyrysy ótti. Otyrysty Áleýmettik keńes tóraıymy Aıtkúl Samaqova júr­gizip, oǵan Májilistiń Zańnama jáne sot-quqyqtyq reforma komı­teti­niń tóraǵasy Rahmet Muqashev qatysty. Qazirgi tańda elimizde 18 jasqa deıingi 5 mln. shamasynda bala bar. Onyń 17 myńnan astamy qolaısyz otbasylarda tárbıelense, 11 myń­nan astamy ishki ister organ­daryn­da esepte turady. IIM málimetteri boıynsha, jyl saıyn 10 myńdaı qaraýsyz jáne panasyz qalǵan balalar anyqtalady. Búginde kámeletke tolmaǵan­dar­dy ýaqytsha oqshaýlaý jáne beıim­deýdiń 18 ortalyǵy IIM júıesinen jergilikti atqarýshy organdardyń bilim berý júıesine berilip, olar kámeletke tolmaǵandardy beıimdeý ortalyqtary bolyp qaıta quryl­dy. 2011 jyldyń basynan bul or­ta­lyqtarda 939 bala kútilse, onyń ishindegi 784-i – qaraýsyz jáne pana­syz balalar, 125-i – ata-ana­synyń qaraýynsyz qalǵandar, 30-y – arnaıy bilim berý mekemelerine joldanatyndar. Jyl saıyn bir myńdaı ata-ana balalaryn tárbıeleý boıynsha mindetterin durys atqarmaǵany úshin ata-analyq quqynan aırylady. Otbasylyq qolaısyzdyqtyń basty sebebi otbasy mártebesiniń, otba­sy­lyq qundylyqtardyń, qaýym­da­syp ómir súrý saltynyń buzylyp, ata-analardyń maskúnemdikke sa­lynýynda jatyr. Dóńgelek ústelde Ishki ister mınıstriniń orynbasary Qaırat Tynybekov «Ishki ister organ­dary­nyń qolaısyz otbasylarmen pro­fılaktıkalyq jumysy, sondaı-aq balalardyń qaraýsyz jáne panasyz qalýynyń aldyn alýdaǵy róli týraly», Bilim jáne ǵylym vıse-mınıstri Mahmetǵalı Sary­bekov «Otbasylyq qolaı­syz­dyq – qaraý­syz­dyq pen panasyzdyqty kóbeı­te­tin faktor» degen taqy­ryptarda baıandama jasady. Parlament Májilisiniń depý­taty, «Nur Otan» HDP frak­sııa­synyń janyndaǵy Áleýmettik keńestiń múshesi Gúlmıra Isimbaeva «Bilim berý jáne jastar saıasaty týraly memlekettik baǵ­darlamany, balalar men jasóspi­rim­derdiń qa­tysýymen ótetin is-sharalardy aq­parattyq súıemel­deý», «Bala­lardy áleýmettik beıimdeý ortalyǵy» QB psıhology Natalıa Krasnıkova «Áleýmettik jetimdik profılak­tı­kasynyń modeli, otbasylyq qolaı­syzdyqty erte anyqtaý», Pavlodar oblysy ákiminiń orynbasary Álııa Ǵa­lymova «Qolaısyz otbasylardy eńserý boıynsha memlekettik saıasat – óńirlik aspekt» degen taqy­ryptardy talqylap sóz sóıledi. Áleýmettik keńestiń otyrysyna qatysýshylar Eńbek jáne halyqty áleýmettik qorǵaý, Ekonomıkalyq damý jáne saýda, Bilim jáne ǵy­lym, Densaýlyq saqtaý, Baıla­nys jáne aqparat, Ádilet jáne Syrtqy ister mınıstrlikterine talqylaý qorytyndylary boıynsha tıisti usynymdar jasady. Otyrysqa Parlament Májili­si­niń depýtattary, «Nur Otan» HDP fraksııasy janyndaǵy Áleýmettik keńestiń músheleri, memlekettik or­gandardyń basshylary, halyq­ara­lyq jáne úkimettik emes uıym­dar­dyń ókilderi qatysty. Sáýle DOSJANOVA, jýrnalıst.