El gazetine iltıpat erekshe

El esinde qalatyndaı oqı­ǵa­lar táýelsizdiktiń 20 jyldyǵy qar­­sańynda ór Altaıdyń tó­rin­degi oblys ortalyǵy men aýdan-qalalarda kún saıyn derlik ótip jatyr. Jyl basynan beri ózen­der órnektegen О́skemendegi ór­ken­di ózgerister eldiń erteńge degen senimine shýaq uıalatyp, kóńil qylyn terbegendeı. Ob­lys ortalyǵyndaǵy tústi me­tal­lýrgııanyń alyby «Kazsınk» jaýapkershiligi shekteýli seriktestiginde serpindi joba boı­yn­sha jańa zaýyt iske qosyldy. Ja­qyn kúnderi taǵy bir óndiris orny ashylmaq. Jaqynda ǵana ǵasyr metalyn óndirýshi taǵy bir óndiris – «О́skemen tıtan-magnıı kombınaty» aksıonerlik qoǵamynda Ońtústik Koreıa­nyń «Posko» kompanııasymen birlesip shyǵaratyn jańa zaý­yt­tyń irgetasy qalandy. Ol eki jyldan keıin paıdalanýǵa berilmek. Kendi Altaıdaǵy basqa óndiris oryndary serpindi jobalar boıynsha eńbek etip, el baılyǵyn eseleı túsýge úles qosýda. – «Shyǵys shynary» atty halyqaralyq aqyndar músháı­ra­sy ekinshi ret О́skemende dúr­kirep ótti. Oǵan bir myńǵa tarta jazba aqyndary shyǵarmalaryn usynyp, kendi Altaıdyń tabı­ǵa­tyn, Abaıdy, órkendi qa­la­nyń erteńgi kelbetin jyr­la­ry­na arqaý etti. О́ńirdiń qos qa­lasy О́skemen men Semeıde apta saıyn jármeńkeler ótip, ánshiler turǵyndarǵa ánnen shashý shashýda. Zaısan men Katon­qa­raǵaı aýdandarynda Báıterek pen Táýelsizdik alańdary, Zy­rıan, Rıdder qalalary men bir­qatar aýdandarda da «El táý­el­sizdiginiń 20 jyldyǵyna – 20 jarqyn is» aksııasy boıynsha má­denı-turmystyq ǵımarattar boı kóterdi. Endi, mine, táýel­sizdigimizdiń mereıtoıy qarsa­ńyn­da О́skemende Astana qa­lasynyń kúnderi ótýde, – dedi óńir basshysy Berdibek Saparbaev jylda qalyptasqan úrdis boıynsha «Egemen Qazaqstan» respýblıkalyq gazeti» AQ prezıdenti Saýytbek Abdrahmanovpen keshe ótken kezdesýinde. – Qazaq baspasóziniń qara sha­ńyraǵy «Egemen Qazaqstan» gazetiniń oqyrmandary jyl saı­yn kóbeıip keledi, – dep áńgimesin jalǵastyrdy óńir basshysy. – Sońǵy eki-úsh jyl­da gazettiń oblysqa taraıtyn tı­rajy eki esege jýyq artyp, qazir onyń sany 12 myńnan asty. Al keler jyly óńirdegi gazet taralymy 14 myńǵa jý­yq­taıdy degen boljam bar. О́ıt­keni, eldigimiz ben órligimizdi, damyǵan memleketter qataryna qosy­lý­daǵy eren isterimizdi kún saıyn nasıhattap kele jatqan bas ba­sy­lymǵa degen oqyr­man­dar iltıpaty erekshe. Saýytbek Abdrahmanov aı­maq­tyń tynys-tirshiligi týra­ly áńgimelep bergen oblys áki­mine alǵysyn bildirdi. «Táý­el­siz­diktiń 20 jylynda elimiz óziniń dana bas­shy­sy N.Nazarbaevtyń jetekshiligimen talaı tar jol, taıǵaq keshýden, asýlar men belesterden ótti. Qıyndyqtar artta qaldy. Qazir álemdegi damyǵan 50 memlekettiń qata­ryna qosy­lý úshin elimiz boıynsha serpindi jobalar iske asyrylyp jatyr. Kendi Altaıda da onyń naqty kórinisteri bar. Basylym mártebesin kóte­rý, oqyrmannyń joǵary tal­ǵamy­nan kóriný úshin redaksııa ujy­my aldaǵy ýaqytta da izdenister tanyta beredi. Qazir ga­zet­tiń qaı betin ashyp qara­sańyz da keń baıtaq Qazaq­standa júzege asyp jatqan jarqyn ister týraly kórýge bolady», – dedi basylym bas­shysy. Budan keıin Saýytbek Abdrahmanov jergilikti buqaralyq aqparat quraldary ókilderine suhbat berip, olarǵa «Ege­men­niń» aldaǵy jumys jospary týraly aıtyp berdi. Ońdasyn ELÝBAI, О́skemen.