Kaddafı qaza tapty

Eki kúnnen beri álemniń bu­qaralyq aqparat quraldary Lı­vııanyń burynǵy basshysy Mýammar Kaddafıdiń qaza tap­qany týraly habarlap jatyr. Lıvııa ulttyq ótpeli keńesiniń premer-mınıstri Mahmud Djı­brıldiń málimdeýinshe, M.Kaddafı tutqyndalǵan kezde jaraly jáne tiri bolǵan. Onyń kózin joıý jóninde buı­ryq berilmegen. Polkovnıkti aýrýhanaǵa alyp bara jatqan­da, onyń jaqtastary men ót­peli keńes áskerleri arasynda atys bolǵan. Atys kezinde M.Kaddafıdiń basyna oq tıip, qaıtys bolǵan. BAQ-tar M.Kaddafıdiń «soń­ǵy mınótterine» baılanysty ártúrli boljamdar aıtýda. Bir­qa­tar BAQ-tar M.Kaddafı jáne onyń jaqtastary qorshaýdy bu­zyp, qashýǵa áreket jasaǵanyn, olar mingen avtokerýenge áýeden soqqy berilgenin, aman qalǵan burynǵy el basshysy men shaǵyn top qaladaǵy káriz qubyrynda jasyrynyp jatqanda tutqynǵa alynǵanyn jazady. Al kýá­lar­dyń biri «Reıter» agenttigine «Kaddafıdi tutqyndalǵanǵa deıin kúzetshileriniń biri atyp óltirdi», dep málimdegen. Degenmen, Lıvııa­ny 42 jyl basqarǵan polkovnık atys kezinde basyna tıgen oqtan qaza tapty degen aqparat qı­synǵa keletin sııaqty. Keshe M.Kaddafıdiń óli­mi­ne baılanysty AQSh, Reseı, bas­qa da birqatar memleket­ter­diń basshylary endi Lıvııada saıası turaqtylyq ornaıtyn­dy­ǵyna senimdi ekendikteri tý­ra­ly málimdedi. Al polkovnık elde qaýipsizdikti qamtamasyz etýge baılanysty «qupııa oryn­da» jerlenbek. Qaı kúni jerlenetini qazirge belgisiz.