О́skemendegi Astana kóshesi

Shyǵys Qazaqstan oblysynda Astana qalasynyń kúnderi ótýde Nesin aıtasyz, el táýel­siz­diginiń tarıhı kýási ispettes Báı­teregi asqaqtap, kók baıra­ǵymyz aspanǵa samǵaǵan Astana qalasy Altaıǵa kóship kelgendeı áserde júr qazir О́skemen turǵyndary. Budan bir aı buryn Shyǵys Qa­zaq­stan oblysynyń elordadaǵy má­denı kúnderi el esinde qalatyndaı mándi de sándi ótse, endi qala ákimi I.Tasmaǵambetov bastaǵan úsh júzdeı óner jáne mádenıet qaıratkerleri, halyq qalaýlylary, eńbek ozattary ór Altaıdyń tórine aıaq basty. Juma kúni qonaq­tar­dy ob­lys ákimi B.Saparbaev áýe­jaı­dan qarsy aldy. Budan keıin Asta­na­nyń bilikti hırýrgteri О́skemendegi aýrýhanalarda asa kúrdeli operasııa jasap, óz táji­rı­belerin jergilikti dári­ger­lerge úıretti. Q.Qýa­nysh­baev atyndaǵy drama teatry spektakl qoıyp, elimizdiń bas qa­lasynyń ónerpazdary gala-konsertti qala turǵyn­dary­nyń na­za­ryna usyndy. Búgin Shyǵys Qazaqstan memlekettik ýnı­versıtetinde ǵalymdar men aqyn­dar kezdesýler ótkizbek. Ǵy­lymı-teorııalyq konferensııa óz jumysyn bastady. Budan birneshe kún buryn О́ske­mendegi Solnechnaıa kóshesiniń tur­ǵyn­daryna saýaldama júrgiz­gende, olardyń 80 paıyzdan astamy kóshe atyn ózgertý, oǵan Astana aty laıyq degen lebiz bildirdi. Endi, mine, elordalyqtar kósheniń salta­nat­ty ashylýyna qatysty. Delegasııa quramyndaǵy belgili mádenıet qaıratkerleri bul sharany el Táý­elsizdiginiń mereıtoıyna arnalǵan ıgi qadam dep baǵalap otyr. Ońdasyn ELÝBAI, О́skemen.