Keshe Qazaqstan Respýblıkasynyń Syrtqy ister mınıstrliginde BUU kúnine jáne elimizdiń Táýelsizdiginiń 20 jyldyǵyna arnalǵan dóńgelek ústel bolyp ótti. Atalǵan is-sharaǵa memlekettik organdardyń, dıplomatııalyq korpýstyń jáne BUU júıesiniń ókilderi qatysty.
Qatysýshylarǵa arnap Qazaqstannyń Syrtqy ister mınıstri E.Qazyhanov pen BUU-nyń elimizdegi rezıdent-úılestirýshisi S.Týll sóz sóıledi. О́ziniń sózinde E.Qazyhanov 1992 jyldyń 2 naýryzynda BUU Bas Assambleıasynyń 46-shy sessııasynyń 46/224 sheshiminde Qazaqstan Respýblıkasy biraýyzdan BUU-ǵa múshe bolyp qabyldanǵanyn atap ótti.
Bul oqıǵa memleket úshin úlken saıası maǵyna berdi. Qazaqstan Respýblıkasynyń Prezıdenti Nursultan Nazarbaev osyǵan oraı «Bul oqıǵanyń máni baǵa jetkizgisiz. Biz halyqaralyq quqyqtardaǵy ózimizdiń ustanymymyzdy dáleldep qana qoımaı, álemde qaýipsizdik ornatýdyń negizgi jumysynda atalǵan bedeldi uıymnyń múddelerin birge qorǵaýǵa atsalysyp otyrmyz», – dedi.
Qazaqstan BUU-ǵa múshe bolǵaly beri halyqaralyq qoǵamdastyqpen yqpaldastyǵy arta tústi. Uıym aıasyndaǵy barlyq is-sharalarǵa úlken belsendilikpen qatysyp keledi. Yntymaqtastyqty damytýdyń basty qadamdary retinde Prezıdent N.Á.Nazarbaevtyń BUU-nyń Nıý-Iorktegi shtab-páterine resmı saparlary men BUU Bas Assambleıasynyń jumystaryna qatysýy jáne BUU Bas hatshylary Kofı Annannyń 2002 jyly, Pan Gı Mýnnyń 2010 jyly Qazaqstanǵa jasaǵan saparlaryn aıtýǵa bolady. Elbasynyń BUU minbesinen aıtylǵan halyqaralyq bastamalary qazirgi ýaqytta sátti iske asyrylýda.
Dóńgelek ústelde S.Týll Qazaqstannyń BUU-men 20 jylǵa jýyq ónimdi ózara yqpaldastyǵynyń negizgi sátterin, yntymaqtastyqtyń bolashaǵyn, sondaı-aq qatynastarymyzdyń jańa sapaly deńgeıge ótý múmkindikterin atap ótti. Jıyn barysynda Qazaqstannyń turaqty damýyna baılanysty mazmundy áńgime órbidi.
