Vetnamǵa alǵashqy sapar

28 qazanda Astanada Azııadaǵy ózara is-qımyl jáne senim sharalary jónindegi keńestiń (AО́SShK) gýmanıtarlyq ólshemi sheńberinde «Turaqty demokratııalyq damý: dástúrler men zamanaýı tájirıbe» taqy­rybymen joǵary deńgeıdegi semınar ótedi, dedi dástúrli aptalyq brıfıngte SIM-niń resmı ókili A.Ábıbýllaev. Osy is-sharaǵa Azııadaǵy ózara is-qımyl jáne senim sharalary jónindegi keńeske múshe elderdiń ókilderi, Qazaqstan Parlamenti depýtattary, Joǵarǵy Sot, Bas prokýratýra, Syrtqy ister, Mádenıet, Ádilet mınıstrlikteri, Adam quqyqtary jónindegi ulttyq ortalyq pen úkimettik emes uıymdar ókilderiniń qatysýy josparlanypty. Semınar barysynda saılaý, atqarýshy, sot organdary, adam quqyqtary jónindegi ýákilder men qoǵamdyq uıymdardyń Azııa­daǵy ózara is-qımyl jáne senim sharalary jónindegi keńeske múshe memleketterdiń demokratııalyq damýyndaǵy róline baıla­nysty máselelerdiń keń aýqymy talqy­landy dep kútilýde eken. Resmı ókil son­daı-aq 30 qazan men 1 qarasha aralyǵynda Qazaqstan Respýblıkasynyń Prezıdenti N.Na­zarbaevtyń Vetnam Sosıalıstik Res­pýb­lıkasy Prezıdentiniń shaqyrýymen Vetnamǵa resmı sapary ótetinin jarııa etti. Sapar sheńberinde Memleket basshy­sy­nyń Vetnam joǵarǵy basshylyq ókil­deri­men kelissózderi josparlanyp, túrli sala­lardaǵy ózara yntymaqtastyqty qam­tı­tyn birqatar qujattarǵa qol qoıýy kú­tilýde, dedi A.Ábıbýllaev. Sonymen qa­tar, eki eldiń isker toptary ókilderiniń qatysýymen Qazaq­stan-Vetnam bıznes-forýmy ótpek. Resmı ókildiń aıtýynsha, Qazaqstan Prezıdentiniń Vetnamǵa tuń­ǵysh sapary ekijaqty ynty­maqtastyqty odan ári damytýǵa jańa serpin beredi dep kútilip otyr.