Kún tártibi bekitildi

Keshe Parlament Senatynyń Tóraǵasy Qaı­rat Mámıdiń tóraǵalyq etýimen ótken Par­lament Senaty bıýrosynyń otyry­syn­da Májiliste maquldanǵan zań jobalary turaq­ty komıtetter men Senat apparatyna berildi, dep habarlady osy palatanyń baspasóz qyzmeti. Zańnama jáne quqyqtyq máse­le­ler komıteti «Qazaqstan Res­pýb­lıkasynyń Úkimeti men Esirt­ki quraldarynyń, psıhotroptyq zattar men olardyń prekýr­sor­lary­nyń zańsyz aınalymyna qar­sy kúres jónindegi Ortalyq Azııa óńirlik aqparattyq úı­lestirý ortalyǵy arasyndaǵy Almaty qala­synda Ortalyqtyń ornalasý sharttary týraly kelisimdi ratıfıkasııalaý týraly» zań jobasyn odan ári zerdeleýde bas komıtet bolyp belgilendi. Ekonomıkalyq damý jáne óńir­lik saıasat komıteti «Qazaq­stan Respýblıkasy men Azııa Damý banki arasyndaǵy Qaryz týraly kelisimdi (Jaı operasııalar) (OAО́EY 1 kólik dálizi [Jambyl oblysyndaǵy jol ýchaskesi] [Batys Eýropa – Batys Qytaı halyqaralyq tranzıt dálizi] Investısııalyq baǵdarla­ma – 4-joba) ratıfıkasııalaý týraly» zań jobasy boıynsha negizgi komıtet bolyp belgilendi. Bıýroda sondaı-aq bıylǵy 27 qazanda bolatyn kezekti Senat otyrysynyń kún tártibi boı­yn­sha usynystar da talqylandy. Atap aıtqanda, «Qa­zaq­stan Res­pýb­lı­ka­synyń Úkimeti men Qyr­ǵyz Res­pýb­lıkasynyń Úkimeti arasyn­da­ǵy óteýsiz áskerı-teh­nı­kalyq kó­mek kórsetý týraly kelisimdi ratıfıkasııalaý tý­ra­ly» zań jobasyn talqylaý kózdelip otyr. Otyrysta basqa da zań jo­ba­la­ry qaralatyn bolady.