Kópirde kólik qozǵalysy ashyldy

Qostanaı aınalma jolynda salynyp jatqan  jańa kópirdegi jol qozǵalysy saltanatty túrde ashyldy. Qalany aınalyp aǵa­tyn Tobyl ózeni ústindegi kópir qu­ry­lysy ótken jyly bastal­ǵan bo­la­tyn. Bul Elbasynyń tap­syr­ma­symen elimizdegi 6 ha­lyq­aralyq kólik dálizin qaıta jańǵyrtý jo­basynyń sheńberin­de atqarylǵan jumystyń biri. Ekonomıkanyń  kúretamyry bo­lyp sanalatyn  halyqaralyq kólik dálizine Astana – Qosta­naı – Chelıabi baǵytyn­daǵy tasjoldar da kiredi. Osy jol Qos­ta­naı qalasynyń  ońtús­tik-ba­tys shetin aınalyp ótip, jo­laý­shyny Chelıabi, Kókshetaý, Astana, Aqtóbe jáne Petropavl qala­lary­na jetkizedi. Kóp jyldan beri kúrdeli jóndelmegendikten To­byl­dyń jińishke ıinine tósel­gen qubyr arqyly ótetin joldy kók­temde qar sýy  shaıyp ketetin. So­nyń saldarynan júk já­ne jolaý­shy  tasymaldaıtyn  kó­lik­ter­diń  qaýipsizdigi de  qamta­ma­syz etilmeı júrdi. Tobyl sýyn ótkizip tu­ratyn qubyrdyń da to­zy­ǵy jetti.  Sý shaıǵan saıyn jol­dyń ústińgi qabaty buzylyp, jyl saıyn  jón­deý jumystary júrdi. Al qu­ry­lys kezinde qala ishimen júrgen júk kólikteri   jol­dy búldirýmen qatar, júr­gin­shilerge de  yńǵaı­syz­dyq týǵyzatyn. О́tken jyly bastalǵan kópir qurylysy qarqyndy júrdi. Onyń uzyndyǵy  – 313, eni 25 metr. Ús­tinen kólik eki baǵytta júredi, jaıaý júrginshilerge de jol qal­dy­rylǵan. Munda ústi­miz­degi jy­ly ǵana 3,5 mıllıard teńgeniń jumy­sy ıgerilip, jyl­dyq jos­par­dyń 82 paıyzy oryn­­­dalǵan. Qalǵan ju­mys­tar kelesi jylǵa qaldyryldy. – Az ýaqyttyń ishinde bul Qos­tanaı óńirinde salynǵan úshin­shi  kópir. Áýlıekól aýda­nyn­daǵy ja­ńa kópir aýdana­ra­lyq kólik qoz­ǵalysyn jaqsart­ty, qalanyń  ekin­­shi shetinde or­nalasqan To­byl­­dyń tómengi aǵy­syndaǵy kópir al­dyńǵy jyly paıdalanýǵa berildi. Mine, aınalma joldaǵy kólik qoz­ǵa­ly­syna búgin múm­kin­dik berip tur­ǵan bul nysan elimiz táýelsiz­diginiń 20 jyldyǵy al­dyn­daǵy  úl­ken syı bolmaq, – dedi oblys ákimi Sergeı Kýlagın. Jańa qu­ry­lys qýaty jaǵynan Qazaq­stan­da salynǵan zamanaýı segiz kópirdiń biri bolady. Al osy  sharaǵa qatysqan Kó­lik jáne kommýnıkasııa mı­nıstri­niń orynbasary Asylbek Dúıse­baev bul kópir halyq­aralyq  kó­lik dálizderiniń jaq­sarýyna qo­sylǵan  úlken úles eke­nin aıtty. Astana – Qostanaı – Chelıabi baǵy­tyndaǵy  jol 2013 jyly túgeli­men jańa reńge kiredi. Osy joba­ny  júzege asyryp jatqan  «Kazahdorstroı» jaýapkershiligi shek­teýli  seriktestigi Shýche fı­lıalynyń dırektory Serik Tó­leýbaev kópir quryly­synyń sa­pa­ly aıaqtalaryna sendirdi. Jańa kópir jol qatynasy­nyń jaqsarýymen qatar ózen sýy­nyń tazalyǵyna da septigin tıgizetin bolady. Názıra JÁRIMBETOVA. Qostanaı.