24 saǵat

Anglııada eldiń Eýropa Oda­ǵy­nan shyǵýyna qatysty búkil­halyqtyq referendým ótkizý má­selesi kóterilip otyr. Bir­qa­tar el turǵyndarynyń pikirinshe, Anglııaǵa Eýroodaqtan kelip otyrǵan paıda shamaly. Elde oqshaýlanyp ómir súrýge qar­sylar qarasy da qalyń. Lıvııanyń burynǵy bas­shy­­­sy Mýammar Kaddafıdiń máıiti jer qoınyna berildi. Ol ózi amanat etkendeı týǵan qa­lasynda emes, qum arasyna jer­­lendi. Janynda qaza bol­ǵan ortanshy uly da tynysh tap­ty. Úlken uly ákesin ól­tir­gen­derden kek alatynyn má­limdep otyr. Túrkimenstan prezıdenti Gýr­bangýly Berdymuhamedov óz eliniń batyry ataǵyn aldy. Bul ataqty tıisti qaýly qabyldaý arqyly parlament berdi. De­pý­tattardyń sheshimin búkil óńir ókilderi kiretin keńesýshi organ – aqsaqaldar keńesi qoldady. Olardyń pikirinshe, Berdymu­ha­medov el táýelsizdigin nyǵaı­tý­ǵa baǵa jetkisiz úles qosypty. Túrkııadaǵy zilzala sal­da­rynan opat bolǵandar sany ýa­qyt ótken saıyn kóbeıe tú­sip keledi. Sońǵy derekterge qa­raǵanda, qaza tapqandar 370 myń adamǵa jetken. Bir qýanyshtysy, qırandy­lar­dyń astynan tiri adamdar da qutqaryp alynyp jatyr. AQSh-tyń Tehas shtatynda­ǵy «Panteks» kásipornynda «qyrǵı-qabaq soǵys» ýaqy­ty­nan qalǵan eń sońǵy V53 sy­nypty asa alyp atom bombasyn zalalsyzdandyrý jumystary aıaqtaldy. Bul úderis belgilengen kesteden bir jylǵa jýyq ýaqyt buryn támamdalyp otyr. Sırııadaǵy búlikshiler ar­naıy qyzmettiń antıter­ror­lyq bólimshesi kolonnasyna shabýyl jasady. Shabýyl sal­darynan kem degende jeti adam opat boldy. «Reıter» agent­ti­giniń habarlaýyna qa­ra­ǵanda, búlikshiler sondaı-aq úkimet­tik tankti qıratqan. Elde teketires bastalǵaly eki jaqtan myńdaǵan adam kóz jumdy. Berlın polısııasy júzden astam máshıneni órtep jiberdi dep kúdikke alynǵan adamdy us­tady. 27 jastaǵy nemis asta­nasynyń turǵyny bul áreketke aqsha jetpegendikten depres­sııa­ǵa ushyrap barǵandyǵyn moı­yndaǵan. Ol mamandyǵy boıynsha kásibı sylaqshy eken. Estonııanyń memlekettik prokýratýrasy osy eldiń aza­maty Mıhaıl Gorshkovqa qa­tysty tergeý jumystaryn toq­tatty. Oǵan Ekinshi dú­nıe­júzilik soǵys kezinde 3 myń evreıdi óltirýge qatysy bar degen aıyp taǵylǵan bo­latyn. Qyl­mystyq istiń ja­bylý sebebi, yqtımal qyl­mys­kerdiń naqty kim ekeni anyqtalmaǵan. Reseı Federasııasyna qa­rasty Karelııa avtonomııa­synda eki polısııa qyzmetkerine qa­tysty qylmystyq is qozǵaldy. Olarǵa Sýoıarvı qalasyndaǵy shirkeýdiń kúzetshisin soqqyǵa jyqty degen aıyp taǵylǵan. Mas tártip saqshylary kúzet­shi­ni aıaqtarymen de, qoldarymen de aıamaı tómpeshtese kerek. Aqparat agenttikteri materıaldary negizinde ázirlendi.