510 otbasy páterli boldy

Egemen elde ómir súrip, turmys keshý sheksiz baqyt, qýanysh qana emes, sonymen birge úlken syn da. Bul aqıqat bıylǵy kóktemde tas­qyn sý zardabyna ushyraǵan ba­tys­qazaqstandyqtardyń mysaly­nan aıqyn kórinedi. Baspasózde bu­ǵan deıin habarlanǵanyndaı, sol kezde apat aımaǵynan on myńǵa jýyq adam ózge jaqqa kóshirildi. Jas memlekettiń tótenshe jaǵdaı­lar jónindegi qurylymdary mun­daı asa aýqymdy evakýasııalyq jaǵdaımen tuńǵysh ret bettesti. Tek bir aımaq qana emes, tutas elimiz úshin úlken syn bolǵan osy bir asa jaýapty shaqta Elbasy Nur­sul­tan Nazarbaev bir de bir adam kómeksiz, qamqorlyqsyz qalmaıdy degen bolatyn. О́tken jeksenbi kúni myńdaǵan oraldyqtar Memleket basshysy­nyń osy tujyrymynyń naqty iske asqanynyń kýágeri boldy. Qa­zaq­stannyń batystaǵy qaqpasy taǵy bir shaǵyn aýdanmen tolyqty. Munda aıshyqty da ajarly ar­hıtektýralyq jobalarǵa saı bes jáne toǵyz qabatty turǵyn úı keshenderi memlekettik komıssııanyń sheshimine saı paıdalanýǵa berildi. Syńǵyrlaǵan jańa páterlerdiń kil­ti 510 otbasyna tabys etildi. Sal­tanatty rásim kezinde oblys ákimi Baqtyqoja Izmuhambetov atap kór­setkendeı, áleýmettik-turmys­tyq ny­sandardyń óte qysqa ýaqyt ara­lyǵynda, nebári bes-alty aı ishinde paıdalanýǵa berilýi olar­dyń sapa­syna salqynyn tıgizgen joq. Rasynda da ýaqyt yrǵalyp-jyr­­ǵalýdy kútpeıtin de, kóter­meıtin de edi. Sondyqtan jergilikti merdiger uıymdar ortalyqtan kómek kelýin kútip jatpaı-aq qurylysty óz qarajattary esebinen shuǵyl bastap ketkeni, óńirde qurylys ındýstrııasynyń keń qanat jaıǵany, ıaǵnı basty qury­lys materıaldarynyń Oral qala­synyń ózinde óndiriletini – kóz­degen ýaqyt mejesinen shyǵýǵa negiz qalady. Arada kóp ýaqyt ót­peı-aq «Samruq-Qazyna» ál-aýqat qory, «QazMunaıGaz» jáne «Qa­zaq­stan temir joly» ulttyq kom­pa­nııalary qajetti qarajat sal­ǵany qurylys qarqynyn odan ári jedeldetýge septigin tıgizdi. Qala qurylysynyń tek ózine ǵana tán ıirimderi men talaptary bar. Belgili bir qurylys nysanda­ry jobalanǵan kezde, ózge de ómir súrýge qajetti ınfraqurylymdar men ınjenerlik jeliler qosa oı­lastyrylmasa, ol jartykesh kúıin­de qalyp qoımaq. Turǵyn úı keshenderiniń janynan balabaqsha­lar men mektepter, densaýlyq saq­taý nysandary qurylystarynyń qosa salynyp iske qosylýy osyn­daı ómirsheń kózqarastan týynda­ǵany anyq. Bul nysandarda tas­qyn sýdan zardap shekken turǵyn­dardyń balalary tárbıelenip, bilim almaq. Táýelsizdiktiń alǵashqy onjyl­dyǵynda Oral óńirinde búldirshin­derdi mektepke deıingi tárbıe mekemelerimen qamtý isi óte ótkir kúıinde turǵan bolatyn. Derekter bul kórsetkish boıynsha óńir 1997 jyly ózge oblystarmen salys­tyrǵanda jetinshi orynda turǵa­nyn aıǵaqtaıdy. О́tken jeksenbi kúni Oral qalasynda tasqyn sý zardaptaryn qalpyna keltirý isine bólingen respýblıkalyq qarajat esebinen turǵyzylǵan árqaısysy 290 oryndyq eki balabaqsha esigi aıqara ashyldy. Osynaý mektepke deıingi balalar mekemelerin esepke qosqanda oblysta qajetti qam­tylý 94 paıyzǵa jetkenin kórset­ti. Bul respýblıka oblystary arasyndaǵy birinshi oryn ekenin aıtýdyń ózi bir mereı. Oral qalasynyń irgesinde Asan degen aýyl bar. Bul irgeli eldi mekende mekteptiń joqtyǵy onyń turǵyndary men jas jetkinshek­terdiń arqalaryna aıazdaı batyp júretin. Taǵy bir qýanyshty jáıt, tasqyn sý zardaptaryn qalpyna keltirý sharalary aıasynda munda 230 oryndyq jańa mektep ǵıma­raty paıdalanýǵa berildi. Sony­men birge  Tótenshe jaǵdaılar mınıstrligi bólgen qarajat qorynan atalǵan aýyldy oblys orta­lyǵymen jalǵaıtyn asfalt jol tóseldi. Áleýmettik-turmystyq jáne mek­tepke deıingi tárbıe men jal­py bilim berý nysandarynyń salta­natty túrde ashylý rásimi kezinde sóz sóılegen Batys Qazaqstan oblysynyń qurmetti azamaty Abat Esenǵalıev, Oral qalasynyń turǵyndary Roza Joltaeva, Tatıana Levına, Balaýsa Ramazanova men Sholpan Aıtqalıevalar bul jaqsylyqtardyń bárin Elbasy­nyń sarabdal saıasatymen, respýb­lıkanyń qarapaıym turǵynda­ryna degen turaqty qamqorlyq kóz­qarasymen baılanystyrdy. Ári olar bıylǵy qazan aıynda Oral qalasynda paıdalanýǵa berilip otyrǵan nysandar jáne jańadan paıda bolǵan shaǵyn aýdan sol saıasattyń nátıje berýi­niń, onyń saltanat qurýynyń bir kórinisi bola alady degen shynaıy oı-pikirlerin aıtty. Temir QUSAIYN. Oral. Sýretti túsirgen Aleksandr KÝPRIENKO.