Elimizdiń memlekettik qyzmet kórsetý tájirıbesi, ınnovasııalyq jobalardy memlekettik basqarý sektoryna engizý múmkindikteri talqylanǵan konferensııanyń ashylýynda Aqparat jáne kommýnıkasııalar vıse-mınıstri Qaırat Balyqbaev, Astanadaǵy memlekettik qyzmet salasyndaǵy óńirlik habtyń basqarýshy komıtet tóraǵasy Álıhan Baımenov, Parlament Májilisiniń depýtaty Maıra Aısına jáne Sıngapýrdaǵy memlekettik qyzmetti jetildirý jónindegi BUU Damý baǵdarlamasy jahandyq ortalyǵynyń dırektory Maks Everest Fıllıps quttyqtaý sóz sóıledi.
Jıyn taqyrybyndaǵy máselelermen keńirek tanystyrǵan «Azamattarǵa arnalǵan úkimet» korporasııasynyń basqarma tóraǵasy Abylaıhan Ospanovtyń aıtýynsha, qazirgi kezde Qazaqstan UNDESA elektrondy úkimetti damytý ındeksi boıynsha 27-shi orynda tur. Bul – úkimettiń halyqqa qyzmetterdi usyný tártibin jetildirýge baǵyttalǵan belsendi jumysynyń naqty kórinisi. «Búginde memlekettik qyzmetter birneshe tásil – elektrondy úkimet portaly, halyqqa qyzmet kórsetý ortalyqtary jáne «mgov» mobıldi qosymshalar arqyly kórsetiledi, – dedi A.Ospanov. – Qazirgi kezde 723 memlekettik qyzmettiń 548-i «Azamattarǵa arnalǵan úkimettiń» 349 front-ofısteri boıynsha usynylady. Qyzmet kórsetýdiń osyndaı túri jyl ótken saıyn artyp keledi».
Korporasııa basshysynyń atap ótýinshe, búginde qyzmetter tolyq sıklmen kórsetiletindikten, azamattardyń suratatyn qujattarynyń sany azaıǵan. Sondaı-aq, qyzmetterdiń elektrondy túrge kóshirilýine baılanysty korporasııaǵa kelýshilerdiń qatary azaıa túsken. Halyqqa qyzmet kórsetý ortalyqtary jumysynyń sapasyn kótergen basty erekshelik – ártúrli organdardyń qujattaryn «bir tereze» qaǵıdaty boıynsha daıyndar berý. Iаǵnı azamat ózine qajetti qujattardy ortalyqtyń kez kelgen qyzmetkerinen ala alady.
Korporasııa basshysy sóz arasynda osy jyldyń qarashasynda elordada biryńǵaı sıfrly halyqqa qyzmet kórsetý ortalyǵy ashylatynynan da habardar etti. «Halyqqa qyzmet kórsetý ortalyqtarynyń jumysyn kúsheıtý maqsatynda sıfrly qyzmet kórsetý ortalyqtaryn ashý kózdelip otyr, – dedi osy jóninde A.Ospanov. – Bıylǵy jyldyń qarasha aıynda Astanadaǵy Saýran kóshesiniń boıynda Sıfrly halyqqa qyzmet kórsetý ortalyǵy ashylady».
A.Ospanovtyń sózine qaraǵanda, elektrondy sıfrly qoltańba keıbir qyzmetter úshin alynyp tastalǵan. Mysaly, meken-jaı anyqtamasyn alý úshin talǵan qoltańba endi qajet emes. Al sıfrly HQKO-da azamattarǵa elektrondy qyzmetterdi qalaı paıdalanýdy mamandar úıretedi. Endi olar keıbir elektrondy anyqtamalardy úıde otyryp-aq ala alady.
Álısultan QULANBAI,
«Egemen Qazaqstan»
