Segizbaevtyń fýtbol akademııasy

Almatyda tusaýyn kesti Ońtústik megapolsıtegi «Alash» stadıonynda qazaq­­tyń ataqty aıaqdop sheberi Tımýr Segizbaev atyn­daǵy Fýtbol akademııasynyń ashylý sal­ta­naty bolyp ótti. Qazaq sport jáne týrızm akademııasynyń quryltaıshy bo­­lýymen ashylǵan bul Fýtbol akademııasynyń keleshegi jar­qyn bolǵaly tur. О́ıtkeni, al­daǵy jyldary osy «Alash» sta­dıony aýmaǵynan arnaıy jas fýtbolshylarǵa arnap sporttyq mektep-ınternat qurylysy bas­talmaqshy. Onda Qazaqstannyń túkpir-túkpirinen jınalǵan jet­kinshekter shet elderden kelgen tájirıbeli jattyqtyrýshy­lar­dan tálim alatyn bolady. Fýtbol akademııasynyń ashy­lý saltanatynda sóılegen Qazaq sport jáne týrızm akademııa­synyń rektory Qaırat Zakerııanov ózi basqaratyn oqý ornynyń qazaq fýtbolyn kóterý jolynda atqaryp jatqan birshama eńbegin atap ótti. Ulybrıtanııa, Brazılııa, Túrkııa sekildi sporttyń osy túri damyǵan elderden tá­jirıbeli mamandar aldyrylǵa­ly jatqandyǵy, Tımýr Segiz­baev­tyń dańqymen qazaqtyń kó­k­órim jastaryn fýtbol sportyna kóp­tep tartý josparlanyp otyr­ǵan­dyǵy ataldy. KSRO sport sheberi, Qazaq KSR-iniń eńbek sińirgen jattyq­tyrýshysy, Qazaqstannyń birneshe márte chempıony, dańqty fýtbolshy Tımýr Segizbaev 1961 – 1971 jyldar aralyǵynda «Qaırat» komandasy quramynda oınaǵany belgili. Mine, sol kezde «Qaırattyń» týy bıik jelbirep, jankúıer bitkenniń esin alǵan bolatyn. Odan keıin Segizbaev Qyzylordanyń «Avtomobılısi» men Qaraǵandynyń «Shahterinde» bapkerlik qyzmet etti. Shet el asyp, Iemen Halyq Respýblıkasynyń ulttyq qura­masyn jattyqtyrdy. О́zimizge kelip Ulttyq fýtbol federa­sııa­synyń prezıdenti boldy. T.Segizbaev atyndaǵy Fýtbol akademııasynyń ashylý sal­ta­na­tynda «Qaırattyń» ardager oı­yn­­shysy, belgili sport jýrnalısi Dıas Omarov jıylǵan kóp­shi­lik­ke, jas fýtbolshylarǵa ózi­niń ár­ip­tesi jaıly jaqsy estelik aı­typ berdi. Qazaqstan men Belorýssııa kezdesýinde «Qaı­rat­tyń» dańqyn shyǵarǵan qos gol­dy da soqqan osy Segizbaev edi, sport­súıer qaý­ym ony «Tımýr jáne onyń komandasy» dep búkil Ke­ńes Oda­ǵynyń kógine kóterdi. Endi, mine, Qazaq eli óziniń dańq­ty ul­yn dá­riptep, kózi tirisinde Fýt­bol aka­de­mı­ıa­syn ashý arqy­ly qurmet kór­se­tip otyr, dedi D.Omarov. Bul kúni «Alash» sta­dıo­ny­nyń jasyl alańynda Qazaq sport jáne týrızm akademııa­sy­nyń mu­ǵa­limderinen quralǵan fýtbol ko­mandasy «Qaırattyń» tanymal ardagerlerimen dostyq kezdesý ótkizdi. Qanat ESKENDIR. Almaty. ––––––––––––––– Sýretti túsirgen Bersinbek SÁRSENOV.