Eń qasıetti qazyna – eldiń azat rýhy

Qazaqstan Prezıdenti Nursultan Nazarbaevtyń Vetnam Sosıalıstik Respýblıkasyna resmı sapary nátıjeli aıaqtaldy

Saýytbek ABDRAHMANOV – Hanoıdan.

«Sońǵy onjyldyqta Kommýnıstik partııanyń basshylyǵy­men Vetnam áleýmettik-ekono­mı­kalyq damýda, barlyq salalarda asa kórnekti tabystarǵa qol jetkizdi». Vetnam Sosıalıstik Res­pýb­lıkasyna tuńǵysh resmı saparyn jalǵastyrǵan Elbasymyz keshe osylaı dedi. Bir qaraǵanda, bu­ryn­ǵy sóz saptaýymyzdan aýmaı qalǵandaı kórinetin, dıploma­tııa­nyń aıtylýǵa tıisti áńgimesindeı de estiletin bul tujyrym, alaıda, aqıqattyń ózi. Aqıqattyń sózi bolmaı qaıtedi, eger Vetnam damý qarqyny boıynsha Azııa-Ty­nyq muhıt óńirinde kóshbas­shy­lyq­qa shyqsa, aqıqattyń sózi bol­maı qaıtedi, eger Vetnam Birikken Ulttar Uıymy Qaýipsizdik Keńesiniń turaqty emes múshesi mindetin qatarynan eki jyl at­qarsa, aqıqattyń sózi bolmaı qaı­tedi, eger Vetnam ótken jyly ǵana ASEAN elderine tóraǵalyqty tamasha atqarsa. Iá, osynyń bári shyndyq. Osynyń bári kommýnısterdiń basshyly­ǵy­men jasalyp jatqany da shyn­dyq. Másele kimniń basqarýynan góri qalaı basqarýǵa kóbirek tireledi. Keshegi keńestik qoǵam da jalpy kommýnıster basqarǵan­dyq­tan emes, qolynan is kelmeıtin kommýnıster basqarǵan tusta ishteı irip-shirı bastaǵan bola­tyn. Vetnamdaǵy tabystardyń bári de bılik basyndaǵy partııa­nyń qyzmetimen oryndy baılanys­ty­ry­lady. Sondyqtan Elbasy­myz­dyń memleket basshysymen kezdesýde Vetnam ómirindegi Kompartııa rólin basa aıtatyny da, Vetnam Kommýnıstik partııasy Ortalyq komıtetiniń Bas hat­shysy Ngýen Fý Chongpen arnaıy kezdesýi de zańdylyq. Kezdesý ke­zinde eki eldiń bılik basyn­daǵy partııalarynyń ózara baı­la­nysyn aldaǵy ýaqytta belsendirek ete túsýdiń jaılary qoz­ǵaldy. – Vetnam Kommýnıstik par­tııa­synyń basshylyǵymen vetnam halqy áleýmettik-ekonomı­ka­lyq damýda, bilim, mádenıet pen qoǵamdyq ómirdiń ózge de sala­larynda tolymdy tabystarǵa jetti, – dedi Nursultan Nazarbaev. Memleket basshysy Qazaq­stan-Vetnam ózara tıimdi serik­testiginiń sapaly jańa deńgeıge ótýi úshin obektıvti múm­kin­dik­ter baryn málimdedi. – Saıası júıeniń turaq­ty­ly­ǵy – ekijaqty yntymaqtastyq ta­bysynyń kepili. Bizdiń elderimiz arasyndaǵy qarym-qaty­nas­tardy osyndaı negizde qurý kerek, – dedi óz kezeginde Vetnam Kommýnıstik partııasy Ortalyq komıtetiniń Bas hatshysy. «Nur Otan» halyqtyq-de­mo­kra­tııalyq partııasy Tóraǵa­synyń birinshi orynbasary Nur­lan Nyǵmatýlın bizben yqsham suhbatynda vetnamdyq árip­tes­ter­men el ómirine naqty par­tııa­lyq yqpal jasaý jóninde táji­rı­be almasý tipti de artyq bol­maıtynyn aıtyp ótti. Vetnamdaǵy parlament Ult­tyq Assambleıa dep atalady. El­ba­symyz onyń Tóraǵasy Ngýen Shın Hýngpen kezdesý kezinde parlamentaralyq ózara is-qımyl memleketaralyq baılanystardy damytýda negizgi ról atqara­ty­nyn atap ótti. – Delegasııalar almasý jáne parlamentaralyq yntymaqtas­tyq tobyn qurý Qazaqstan Parlamenti men Vetnam Ulttyq As­sambleıasy arasyndaǵy baıla­nys­tardy tereńdetýge qyzmet etedi, – dedi Qazaqstan basshysy. Ngýen Shın Hýng atap ót­ken­deı, Nursultan Nazarbaevtyń sa­pa­ry Qazaqstan-Vetnam serik­tes­tiginiń jańa betterin ashady. – Biz mádenı-gýmanıtarlyq yn­tymaqtastyqty damytyp, bilim berý salasyndaǵy birlesken jobalardy iske asyrýymyz kerek. Sonymen birge, halyqaralyq arenadaǵy ózara is-qımyldy dáı­ek­ti túrde nyǵaıtýymyz qajet, – dedi Vetnam Ulttyq Assam­bleıasynyń Tóraǵasy. Elbasymyz saparynyń keshegi, seısenbidegi baǵdarlamasy Vetnam ulttyq ýnıversıtetinde stýdenttermen, oqytýshy-pro­fes­sorlar quramymen kezdesýden bastaldy. Prezıdent saparlary­nan reportajdar jaza júrip, biraz jerdi kórip, biraz eldi ara­la­ǵanymyzda, Elbasymyzdyń jastarmen júzdesýge múmkindiginshe ýaqyt tabýǵa tyrysatynyn talaı ańdaǵanbyz. О́tken jyly Koreıada tipti sapar baǵdarlamasyn ta­ǵy bir kúnge uzartyp, Seýl ýnıversıtetinde stýdenttermen kezdesken kezi de bolǵanyn jaz­ǵanbyz. Hanoı ulttyq ýnıversıtetinde 40 myń stýdent oqıdy eken. Ult­tyq ýnıversıtettiń quramy­na salalyq alty ýnıversıtet pen úsh ınstıtýt kiredi. Bizdiń ja­nymyzda otyrǵan kisi – polı­teh­nıkalyq ınstıtýttyń prorek­tory Ngýen Dın Dyk kezinde Más­keý ýnıversıtetinde oqyǵan, fızıka-matematıka ǵylymdary­nyń doktory, orysshany jap-jaqsy sóıleıdi. Jalpy, mun­da­ǵylardyń talaıy orys tilin umy­ta qoımaǵan. Osy ýnıver­sı­tettiń ózinde orys tili fakýlteti bar. Onyń ár kýrsynda 40 stýdent oqıdy. Ýnıversıtet prezıdenti professor Maıtrong Nhýan óziniń kirispe sózinde bizdiń Elbasy­myz­dy memleketin bekem qalyp­tas­tyryp, atyn álemge tanytqan kemel basshy ǵana emes, ekono­mı­kasyn qıyn daǵdarystyń qys­pa­ǵy­nan alyp shyǵa bilgen asa kór­nekti ekonomıst-ǵalym retinde sıpattady. Ol Nursultan Nazar­baev­tyń Azııadaǵy ózara is-qı­myl jáne senim sharalary jó­nin­degi keńesti shaqyrýdyń basta­mashysy bolǵan qyzmetin joǵary baǵalady. «Kembrıdj, Beıjiń ýnıversıtetteri sııaqty álemdegi asa tanymal kóptegen oqý oryn­darynyń qurmetti professory – Sizdiń endi Hanoı ulttyq ýnı­versıtetiniń qurmetti profes­so­ry bolatynyńyz bizdi maqta­nysh­qa bóleıdi», dedi ýnıversıtet prezıdenti. Budan keıin Nursultan Ábishulyna Hanoı ýnıversıtetiniń qurmetti pro­fes­sory dıplomy tapsyrylyp, mantııa kıgizildi. Qalyptasqan dástúr boıynsha qurmetti pro­fessordyń leksııasy oqyldy. «Bizdi vetnam halqynyń qaıt­pas-qaısar jigeri men asqaq patrıottyq rýhy qaıran qal­dy­rady», dedi Nursultan Nazarbaev stýdentterge arnaǵan sóziniń bir tusynda. «Biz jas Astana men myń jyldyq tarıhy bar Hanoı­dyń, sondaı-aq elderimizdiń qar­jy ortalyqtary sanalatyn Al­ma­ty men Hoshımınniń ynty­maqtastyǵyn damytqymyz keledi», dedi kelesi bir kezekte. Ras sóz. Biz memleket retindegi tól tarıhymyzdyń qadirin bilýmen qatar, ózgelerdiń tarıhyndaǵy ta­ǵylymdy tustardy da baryn­sha baǵalaýǵa tıispiz. Osylaı deýge aldyńǵy kúni Elbasymyz aralaǵan bir nysan qozǵaý salyp otyr. Dúısenbide, tús áletinde Nursultan Nazarbaev Hanoıdaǵy Ádebıet hramyn aralap kórdi. Ádebıet hramy... Qashan turǵyzylǵan deńiz? 1070 jyly turǵyzylǵan. Osydan on ǵasyr buryn. Kimge turǵyzylǵan deńiz? Konfýsııdiń (Quńfud­zy­nyń) qurmetine turǵyzylǵan. Bir­aq budan vetter áý basta Quń­fudzyǵa talasqan eken dep qalmańyz. Olaı emes. Osy hram­dy turǵyzǵan ımperator Lı Than Tong bul arqyly uly oı­shyl­ǵa tabynardaı qurmetin ta­nytýdy ǵana maqsat tutqan. Hram turǵyzylyp bitkennen keıin osy jerde Vetnamdaǵy tuńǵysh Kýok Tı Nam ýnıversıteti ashylǵan. Osydan on ǵasyr buryn. Munda ákimshiler men memlekettik qyz­metkerler daıyndaıtyn adamdar oqytylǵan. Ýnıversıtette oqyp, eldiń maqtanyshyna aınalǵan tul­ǵalardyń aty-jónderi alyp tasbaqalar kóterip turǵan tas taqtalarǵa oıylyp jazylǵan. Ádebıet hramynda oqyp shyqqan jas klassıkalyq poezııanyń myń­daǵan jolyn jatqa bilmeıinshe, memlekettik jumysqa jiberilmeıtin bolǵan, óleńdi túsin­beıtin adam ómirdi de túsinbeıdi dep sanalǵan... Elbasy óziniń sózin qonaq­jaı­lylyq pen jyly shyraıly qarsy alýlar úshin shyn kóńilden shyqqan rızashylyǵyn jetkizýden bastady. Bul – meniń Ve­t­namǵa alǵashqy saparym. Siz­der­diń jerlerińizge tabanym tıgen sátten bastap vetnam halqy jú­re­giniń shýaǵyn sezindim. Osy arada bul sezimderdiń eki jaqqa da teńdeı ekenin atap kórsetkim keledi. О́ıtkeni, bul jáıt qazaq­standyqtardyń Vetnamǵa degen unamdy kózqarasy men qyzy­ǵý­shylyǵynan týyndap otyr, dedi Nursultan Nazarbaev. Qazaqstan basshysy kelesi kezekte Vetnamnyń qandaı qıyn­dyq­tar men synaqtardan ótke­ni­ne nazar aýdardy. Qazaqstannyń burynǵy KSRO quramynda vetnam halqyna onyń táýelsizdigi úshin kúresinde baýyrlastyq qol­daý kórsetkenine toqtaldy. Sońǵy onjyldyqtarda Vetnam Kommýnıstik partııanyń bas­shylyǵymen áleýmettik-ekono­mı­kalyq damýda, bilim berýde, máde­nıet pen basqa salalarda tamasha tabystarǵa qol jetkizdi, dep jalǵady sózin Qazaqstan bas­shy­sy. Vetnam ekonomıkasy ósý qar­qyny jóninen Azııa-Tynyq muhıt óńirinde jetekshi orynǵa shyqty. Sizderdiń elderińizdiń ha­lyqaralyq bedeliniń jarqyn kórsetkishi Vetnamnyń BUU Qaýipsizdik Keńesiniń turaqty emes múshesi retindegi eki jyl­dyq jumysy boldy. 2010 jyly Vetnam ASEAN-ǵa tabysty tór­aǵalyq etti. Sizderdiń elde­rińiz halyqaralyq jáne óńirlik uı­ym­dar qyzmetine belsendi qatysyp ke­ledi. Biz Vetnamnyń tabys­ta­ryna shyn júrekten qýa­namyz. Nursultan Ábishuly endigi sóz arnasyn ózimizdiń elimizge qa­raı buryp, birneshe aptadan soń, ıaǵnı 16 jeltoqsanda Qazaqstan óz Táýelsizdiginiń 20 jyldyq mereıtoıyn atap ótetinin jetkizdi. Osy oraıda Otanymyzdyń Keńes Odaǵy ydyraǵannan keıingi kezeńderdegi aıaq alyp júrgisiz ekonomıkalyq-saıası qıyndyq­tar­ǵa qaramastan, olardyń bárin eńserip, jańa ekonomıka qalyp­tastyrý men táýelsiz memlekettilik ornatý jolynda adam aıtsa sengisiz kúrdeli mindetterdi oń sheshkenin kóldeneń tartty. Onyń ishinde «Qazaq­stan-­2030» uzaq merzimdi stra­te­gııasy ja­salyp, júzege asyryla basta­ǵanyna arnaıy toqtaldy. Onda basty basymdyq ulttyq qaýip­sizdikti qamtamasyz etý, mem­lekettik táýelsizdik pen aý­maq­tyq tutastyqty saqtaý dep belgilengenin aıtyp ótti. Bizdiń elimizdiń mańyzdy tarıhı sheshimderi retinde Semeı ıadrolyq synaq polıgonyn jaýyp, KSRO-dan «muraǵa» qalǵan álemdegi tór­tinshi zymyrandyq-ıadrolyq arsenaldan óz erkimizben bas tar­týymyzdy atady. Jastarǵa Qazaqstannyń ha­lyq­aralyq praktıka men norma­lar­ǵa sáıkes memlekettik shekara­syn tolyqtaı rásimdegeni týraly áńgime de oń áser etti. Sonymen qatar, qarýly kúshterimiz ben quqyq qorǵaý organdarymyzdy qosa alǵanda, memleket qaýip­sizdiginiń ınfraqurylymdaryn is júzinde jańadan qurǵanymyz ha­qynda keltirilgen málimetter de úlken qyzyǵýshylyq týǵyzǵany aıqyn ańǵaryldy. Táýelsizdiktiń alǵashqy kúnderinen bastap men ashyqtyq pen ıntegrasııa paıda­sy­na tańdaý jasadym, dedi Nur­sultan Nazarbaev. Sóıtip, Qazaq­stan kóp qyrly uıymdardyń bel­sendi qatysýshysyna aı­naldy. Qazaqstan basshysy bizdiń bastamamyz boıynsha Azııadaǵy ózara is-qımyl jáne senim shara­la­ry jónindegi keńes (AО́SShK) shaqyrylǵanyn rızashylyqpen málimdedi. Vetnamnyń AО́SShK-ge múshelikke ótýi bul qury­lym­nyń bedelin edáýir kótere tústi, dedi Prezıdent. Qazaqstan basshysy elimizde qazirgi kezde 140 etnos pen 46 dinı konfessııa ókilderi turyp jat­qanyna toqtalyp ótti. Táýel­siz­dik jyldarynda ultaralyq kelisimdi saqtaý men nyǵaıtýdyń ǵajaıyp úlgisi qalyptasqanyn, onyń bastaýynda óziniń bas­ta­ma­sy boıynsha qurylǵan Qazaqstan halqy Assambleıasy turǵanyn na­zarǵa saldy. Osy oraıda Nur­sul­tan Ábishuly elimiz 2003 jyly alǵash ret Álemdik jáne dástúrli dinder kóshbasshylarynyń sezin uıymdastyrsa, bul aıtýly shara búginde úsh jylda bir ótetin dástúrli forýmǵa aınalǵanyn atap kórsetti. 2012 jyldyń mamyrynda Astanada kezekti IV Sezd óz esigin ashatyn bolady. Álemdik tájirıbeni saraptaı otyryp, dep sabaqtady sózin Pre­zıdent, biz saıası damýdyń evo­lıýsııalyq jolyn tańdadyq. Bizdiń kredomyz «Áýeli – eko­no­mıka, sodan keıin – saıasat» bol­dy. Jáne munda Qazaqstan men Vetnamǵa qatysty ortaq máse­le­ler kóp. Bizdiń memleketterimizdegi saıası júıeniń ornyqtylyǵy men turaq­tylyǵy biz aldymyzǵa qoıǵan ındýstrııalyq-ınnova­sııa­­lyq damý jónindegi keń aýqymdy mindetterdi sheshýdiń mańyzdy sharty bolyp tabylady. Bizdiń strategııalyq basymdyqtary­myz­dyń biri árkez áleýmettik-eko­no­mı­kalyq salany damytý bolyp kel­di jáne solaı bolyp qala beredi. Qazaqstan Prezıdenti ýnıver­sı­tettiń oqytýshylar quramy men stýdentterine 1994 jyldan beri elimizdiń ekonomıkasy 14 ese artqanyn, jan basyna shaq­qandaǵy IJО́ 700 dollardan osy jyldyń sońyna deıin 11 myń dollarǵa jetedi dep kútilip otyr­ǵanyn, sóıtip, Ortalyq jáne Shyǵys Eýropanyń birqa­tar elderindegi kórsetkishten asyp túsetinin rızashylyqpen jet­kizdi. Sondaı-aq elimizdiń Ortalyq Azııa­ǵa kelgen shet el ın­ves­tı­sııalarynyń jalpy kóle­mi­niń 80 paıyzyn ıelengenin maqtanysh­pen jarııa etti. Qazaq­stannyń jańa táýelsiz memleket retinde ornyǵýynda jańa elor­da­nyń sa­lyn­ǵany úlken ról at­qardy. Bú­gin­de Astana egemen Qazaq­stan­nyń ósip-órkendeýiniń nyshany retinde boı túzese, onyń birtutas halqynyń bola­sha­ǵyna degen senimin de arttyra tú­sip otyr, dedi Memleket bas­shysy. Prezıdent sóz retine oraı elimizdiń ınnovasııalar men bilimge negizdelgen ekonomıkaǵa salmaq salatynyn aıtyp ótti. Sa­rapshylardyń baǵalaýynsha, dedi Nursultan Ábishuly, damy­ǵan elderde adam kapıtalynyń ulttyq baılyqtaǵy úlesi 70-80 paıyzdy quraıdy. Biz qazirgi zamannyń osy talaptaryna sáı­kes kelýge tıispiz. Sondyqtan Qa­zaqstannyń negizgi basymdyq­tary­nyń biri ıntellektýaldy ult qalyptastyrý bolyp taby­lady. Atalǵan ıdeıa úshin bizde jaqsy irgetas bar – bul ha­lyqtyń tutastaı saýattylyǵy. Osy rette Prezıdent bilim berý salasynda tabysty júzege asyrylyp jatqan reformalar týrasynda jan-jaqty maǵlumat bere ketti. Joǵary bilim berý salasyndaǵy eń iri joba Astanada qurylǵan jańa halyqaralyq Nazarbaev ýnıversıteti ekenin de nazardan tys qaldyrǵan joq. Sondaı-aq elimizde 20 ıntel­lek­týal­dyq mektep qurylyp jatqa­nyna, 2010 jyly Qazaqstannyń Eýropa mádenı konvensııasy men Bolon úderisine qosylǵanyna nazar aýdardy. Otanymyz jastary­nyń shet elderde bilim alýlaryna jaǵdaı týǵyzyp kele jatqan «Bolashaq» baǵdarlamasy týraly da oryndy aıtyldy. Biz jyl saıyn 3 000 stýdentti shet elderge oqytý úshin jiberemiz. Táýel­sizdiktiń 20 jylynda shamamen 200 myń jas qazaqstandyq shet elderde bilim aldy. Biz bilim berý salasyndaǵy halyqaralyq yn­tymaqtastyqtyń múmkindigin keńeıtý nıetindemiz. Bul qatarda Vetnam da bar. Men vetnamdyq áriptesterdi bizdiń jańa ýnıversıtetpen, basqa da qazaqstandyq joo-larmen yntymaqtastyqqa sha­qyramyn. Biz stýdenttik jáne oqy­týshylyq almasýlarǵa, tehnı­ka­lyq, basqa da mamandyqtar boı­ynsha daıyndyq júrgizýge jáne qaı­ta daıarlaýǵa, ǵylymı-zert­teý­ler­di birlesip júrgizýge múddeli­miz, dedi Nursultan Nazarbaev. Prezıdent sheteldik árip­tes­te­rimizdiń belsendi qoldaýymen qazirgi tańda Qazaqstan qaıtadan Shyǵys pen Batysty jalǵas­ty­rýshy kópir qyzmetin atqara bastaǵanyn atap kórsetti. Sony­men qatar, ótken jyly elimizdiń TMD elderiniń ishinde alǵash bolyp mańyzy jóninen BUU-dan keıingi ekinshi uıym – EQYU-ǵa tóraǵalyq etkenine ekpin túsirdi. Sońǵy 11 jyl bederinde alǵash ret biz EQYU Sammıtin ótkizip, onda Astana deklarasııasy qa­byl­danýyna qol jetkizdik. Ústi­mizdegi jyldyń maýsymynda Qa­zaqstan Shanhaı yntymaqtastyq uıymyndaǵy tóraǵalyǵyn tá­mam­dady. ShYU-nyń Astanada­ǵy mereıtoılyq sammıtinde Astana deklarasııasy, Esirtkige qarsy strategııa jáne basqa da mańyzdy qujattarǵa qol qoıyldy. Búginde Qazaqstan Islam Yntymaq­tas­tyǵy Uıymyna jaýapty tór­aǵa­lyq mıssııasyn atqaryp jatyr. Mundaǵy maqsat halyqaralyq jáne óńirlik qaýipsizdikti ny­ǵaı­tý, musylman qoǵamyndaǵy áleý­mettik problemalardy sheshýge yqpal etý, Islam álemi men Batys arasyndaǵy únqatysýdy ilgeriletý, jappaı qyryp-joıa­tyn qarýdy taratpaý rejimin bekemdeý bolyp tabylady, dedi Memleket basshysy. Biz Vetnamdy Qazaqstannyń Azııa-Tynyq muhıt aımaǵyn­daǵy basymdyq berilgen árip­tes­terimizdiń biri retinde qaras­ty­ramyz, dedi Nursultan Ábishuly ári qaraı. Álemniń osy bóliginde búginde jahandyq IJО́-niń jar­tysyna jýyǵy qalyptasyp otyr. Tutastaı alǵanda, qazirgi kezde Azııa álemdik ekonomıkanyń lokomotıvi qyzmetin senimdi atqara bastady. Men HHI ǵasyrdaǵy ta­bysqa jetkizetin negizgi tórt bas­ty baǵdar mynalar dep sanaı­myn: modernızasııa, ınnovasııa, ıntegrasııa jáne ıgilik. Bizdiń memleketimiz de ındýstrııalyq-ınnovasııalyq damý jolyn tań­dap aldy. Jáne munda mańyzdy ról ýnıversıtetter men jetekshi joǵary oqý oryndaryna, zertteý ınstıtýttary men orta­lyq­ta­ry­na berilýi tıis. Nursultan Nazarbaev atap kór­setkendeı, mádenı-gýmanı­tar­lyq baı­la­nystardy da­­mytý sheń­berinde Qazaqstanda aldaǵy jyly ótki­zi­lýi jospar­lan­ǵan Vet­nam­nyń má­denı kúnderi úlken ma­ńyz­ǵa ıe. Al 2013 jyly Vetnamda Qazaq­stan­nyń máde­nıe­ti kúnderi uıym­dasty­ryl­a­tyn bolady. Prezıdent aýdıtorııaǵa jı­nal­ǵan jastarǵa qarata bylaı dedi: «Bizdiń elderimiz ben halyq­tarymyzdyń arasyndaǵy qarym-qatynastyń bolashaǵyn jas urpaq – dál sizder aıqyndaıtyn bo­lasyzdar. Dál sizderdiń alda­ry­ńyzda ári qaraı da ortaq qun­dylyqtarymyzdy qalyptasty­ryp, dostyq dástúrlerimizdi, ha­lyqtarymyzdyń arasyndaǵy senim men ózara qoldaýdy nyǵaıtý mindeti tur. Kóne ańyzǵa qulaq túrsek, vetnamdyqtardyń túp anasy vetnam halqyna senimdi dos bolý qabiletin syılaǵan Aý-Ko sıqyrly qusy bolyp taby­la­dy. Qazaq halqynda da mynadaı támsil bar: «Qus qanatymen, er joldasymen» degen. Demek, qus­tyń kúshi qanatynda, adamnyń kúshi dostyǵynda». Nursultan Nazarbaev sóziniń sońynda biz sizderdiń elderi­ńiz­den bizdiń memleketterimiz ben halyqtarymyzdyń ósip-órken­deýi­ne baǵyttalǵan únqaty­sý men ashyq ta jan-jaqty ynty­maq­tastyqty damytýǵa árkez daı­yn izgi dos jáne senimdi árip­testerimizdi kórip otyrmyz, dedi. Vetnam memlekettik ýnıversı­te­tiniń professorlyq-oqytý­shy­lar quramy men stýdentterine, sondaı-aq barlyq vetnam hal­qyna beıbitshilik, ósip-ór­kendeý jáne ıgilik tileımin. Prezıdent tanytqan kóz­qa­ras sapar qo­ry­tyndysy boı­yn­sha qabyldanǵan Qazaqstan Res­pýb­lıkasy men Vetnam Sosıalıstik Respýb­lı­kasy Birlesken málim­demesiniń mazmunymen qýat­taldy. Onda taraptar Azııadaǵy jáne tutastaı alǵanda dúnıe jú­zindegi beıbitshilik pen turaq­ty­lyqty saqtaýǵa baǵyttalǵan birlesken kúsh-ji­gerge jaqyndyq­taryn aıqyn­daı­dy. Onda sondaı-aq Vetnam tara­py Qazaqstannyń AО́SShK qurý jáne ilgeriletý bastamasy men úlesin joǵary baǵalasa, Qazaq­stan jaǵy Vetnam bizdiń óńirlik ASEAN forýmyna kirý nıetimizge qoldaý kórsetetinine úmit bildirdi. Eki el kósh­bas­shylary, sonymen qatar, Qazaq­stan men Vetnamnyń halyq­aralyq qu­rylymdar, birinshi kezekte, Birikken Ulttar Uıymy sheńberinde ózara belsendi is-qımylyn jal­ǵastyratynyn atap kórsetti. Jyly shyraıly jáne dostyq qabyldaýǵa rızashylyǵyn bildire kelip, Nursultan Nazarbaev VSR Prezıdenti Chyong Tan Shangany jaýap saparmen elimizge kelip qaıtýǵa shaqyrdy. Shaqyrý rızashylyqpen qabyl alyndy. Iá, Vetnam osyndaı el. Mine, osyndaı el bizdiń Elbasymyzdy aıryqsha qurmetpen qarsy alyp, memleket basshylary táýelsiz­diginiń jıyrma jylynda álem tańdanatyndaı tabystarǵa qol jetkizgen eldiń dana Prezıdenti retinde ardaqtady, jaqyn jú­rýge, yntymaqtasa jumys isteýge daıyndyǵyn qaıta-qaıta aıtýmen boldy. Biz de álemge áıgili Vetnamnan memlekettiń basty baılyǵy, eń qasıetti qazynasy eldiń azat rýhy ekendigin, rýhy azat eldiń azattyqtyń azapty jo­ly­nan, táýelsizdiktiń táýekelge toly tar ótkelderinen abyroı­men ótetinin kózben kórip, kóńil­ge túıip qaıtyp baramyz. Sýretterdi túsirgender S.BONDARENKO, B.OTARBAEV.