Bolashaq – «jasyl» tehnologııada

Baǵamdap qarasańyz, dúnıe­júziniń órkenıetti elderiniń jańartylǵan energııa kózderin, ıaǵnı, balamaly qýat kózin ıgerýge kóship ketýiniń astarynda úlken mán jatyr. Ásirese Japonııa, Ońtústik Koreıa, Ger­manııa, AQSh elderinde bul úrdistiń aıryqsha jolǵa qo­­ıyl­­ǵany da nazar aýdararlyq jaǵ­daı. «Jasyl ekonomıkaǵa» kóshý jolyndaǵy qadamdar bizdiń Qazaq­standa da baıqalyp otyr. О́tken jyly ǵana álemniń 119 eli men 22 halyqaralyq uıymynyń ǵylymı qaýymdastyǵymen birge, tórt mıllıonǵa jýyq adamdy ortaq alańda toǵystyrǵan ESKPO–2017 kórmesi «jasyl» teh­no­logııalardyń otandyq ekono­mıkaǵa ený prosesin odan ármen jetildire tústi. Munyń barlyǵy saıyp kelgende, tabıǵı resýrs­tarǵa degen ǵalamdyq deń­geı­degi muqtajdyq siz ben biz ómir súrip otyrǵan HHI ǵasyr­da aıqyn sezilip otyrǵanyn kór­setedi.

Resmı derekterde dúnıe júzi boıynsha óndiriletin elektr ener­gııa­synyń tórtten biri ja­ńartyl­ǵan qýat kózderine tıesili eken­digi anyq aıtylyp júr. Ǵalym­dardyń boljamy bo­ıynsha, 2050 jylǵa qaraı bul kórsetkish 80 paıyzǵa deıin jetedi. Qazir elimizde jalpy qýattylyǵy 336 MVt bolatyn jańartylatyn energııa kózderiniń 55 nysany jumys istep tur. Endi on jyldan keıin elimizdegi balamaly qýat úlesin 30 paıyzǵa jetkizý mindetin de qoıyp otyrmyz. Saıyp kelgende bul sharalar qorsha­ǵan ortany qorǵaýǵa, ekologııa­lyq tazalyqty qamtamasyz etýge yqpal eteri sózsiz. Demek, «jasyl» teh­nolo­gııa­larǵa baǵyttalǵan ǵyly­mı jańa­lyqtardyń óndiriske ený prosesi kezek kúttirmeıtin negizgi qadamdar qatarynda bolýy tıis.

Baqytjan ERTAEV,
Parlament Májilisiniń depýtaty, Halyq Qaharmany