Respýblıka aýmaǵy boıynsha 1600 respondent pen Demokratııalyq kúshter koalısııasynyń sarapshylary arasynda ótken suraý nátıjelerin Ortalyqtyń dırektory, áleýmettaný ǵylymdarynyń kandıdaty Iýlııa Kýchınskaıa jáne Sosıologııalyq zertteýler bóliminiń meńgerýshisi, áleýmettaný ǵylymdarynyń kandıdaty Saltanat Ermahanova tanystyrdy.
Iýlııa Kýchınskaıanyń aıtýy boıynsha, atalǵan zertteý rýhanı jańǵyrý baǵytynda jetistikke qol jetkizý jáne Prezıdenttiń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn júzege asyrý jolynda qoǵamdyq sana jaı-kúıiniń mańyzdylyǵyna negizdelgen.
«STSZO-nyń blıs-suraýyna sáıkes, halyqtyń 71,3 paıyzy Prezıdenttiń Joldaýynan habardar. Endigi mindet – Joldaýdyń mazmunyn barynsha tolyq ashyp, halyqqa jetkizý bolmaq. Bul oraıda áleýmettiń kóńil kúıin túsiný mańyzdy. О́tken jyldyń tórtinshi toqsany, sol sııaqty 2017 jyldyń aǵymynda Qazaqstan halqynyń áleýmettik jaǵdaıy jalpy alǵanda jaqsy kórsetkishke ıe. Derekterge úńilsek, turǵyndardyń 86,2 paıyzynyń kóńil kúıi jaqsy. Saýalnamaǵa qatysýshylardyń pikiri boıynsha, sońǵy úsh aı ishinde olardyń ómirinde jaǵymsyz oqıǵadan góri, jaǵymdy oqıǵalar 5,2 esege artqan. Bul qoǵamdyq kóńil kúıdiń jalpy kórinisin beredi», dedi Iýlııa Kýchınskaıa.
Sondaı-aq ol ótken jyldyń sońǵy toqsanynda turǵyndardyń kóńil kúıine eń kóp áser qaldyrǵan jaıttarǵa da toqtalyp ótti.
Ortalyq basshysy oıyn qorytyndylaı kele, turǵyndardyń eń ótkir máseleleri úshtigin de atap, solardyń alǵashqysy materıaldyq problemalar ekenin tilge tıek etti.
Jıynǵa qatysýshylar áleýmettik kóńil kúıdiń qalypty bolýyna eldegi ekonomıkalyq damý men álemdik saıasattyń áseri de tıetinin jetkizdi.
Raýan QAIDAR,
«Egemen Qazaqstan»
