«2018 jylǵy 6 qańtarda Taılandta otbasylyq demalysta júrgen Qazaqstan Respýblıkasynyń azamatshasy merziminen buryn bosandy. Shala týǵan balanyń densaýlyq jaǵdaıyna saı, jeti aılyq səbı 1430 gramm salmaǵymen dúnıege keldi. Barlyq qajetti medısınalyq qujattardy alǵannan keıin, QR Densaýlyq saqtaý mınıstrligi «Respýblıkalyq sanıtarlyq avıasııa ortalyǵymen» jáne QR Syrtqy ister mınıstrligimen birlesip, sábıdi jəne onyń anasyn Otanyna tasymaldaý prosesin uıymdastyra bastady», - delingen taratylǵan habarlamada. Atap ótilgendeı, qyz bala anasymen birge 16 qańtar kúni elge jetkizildi.
«Nəreste qyz anasymen birge qajetti medısınalyq jabdyqtarmen jaraqtalǵan jáne sanıtarlyq avıasııa qyzmetiniń mobıldik brıgadasynyń alyp júrýimen mamandandyrylǵan sanıtarlyq avıasııa bortymen sátti tasymaldandy jáne stasıonar jaǵdaıynda budan əri qajetti medısınalyq kómek alý úshin Almaty qalasynyń «Perınatologııa jəne balalar kardıohırýrgııasy ortalyǵyna» jatqyzyldy.
Qazirgi ýaqytta, səbı ortalyqta dərigerlerdiń qaramaǵynda», - delingen baspasóz baıanynda. QR Densaýlyq saqtaý mınıstrliginiń derekteri boıynsha, sanıtarlyq avıasııanyń qurylǵan merziminen bastap, 5 jyl ishinde shet elden Qazaqstanǵa aýyr halde bolǵan 40 azamat tasymaldandy. Jaqyn jəne alys shetelderden jasalǵan barlyq medısınalyq tasymaldaýlar respýblıkalyq bıýdjettiń qarajaty esebinen júzege asyryldy
