Onyń arǵy jaǵy nege aparyp soqtyratyny aıtpasa da belgili emes pe? Munyń basty syryn jedel járdem qyzmetimen qamtý múmkindiginiń tómendiginen izdegenimiz jón. Osy olqylyqtyń ornyn toltyrý úshin Aqtóbe óńirinde balamasy joq jańa joba júzege asty. Bul – oblys ortalyǵynyń jańadan boı kótergen aýdandarynyń birinde memleket-jekemenshik áriptestigi aıasynda salynǵan ortalyqtandyrylǵan jedel járdem beketi. Atalǵan nysan turǵyndardyń bastapqy sanıtarlyq-medısınalyq kómek alýyna tolyq múmkindik beredi. Ǵımarat úsh qabatty korpýstan jáne eki bloktan turady. Jalpy aýmaǵy 4133,2 sharshy metrdi quraıtyn ortalyqqa jarty mıllıonnan astam turǵyny bar Aqtóbe qalasy boıynsha jedel járdem qońyraýlarynyń bári de túsedi. О́ıtkeni buǵan qatysty istiń bári osy beketten basqarylady. Onyń taǵy bir ereksheligi – E formatty taldamaly-aqparattyq jáne dıspetcherlik basqarý júıesimen jaraqtandyrylýynda.
Qazir munda 34 jedel járdem mashınasy iske qosylǵan. Qabyldanǵan qońyraýdyń bári jańa aqparattyq jeli arqyly saqadaı saı turǵan osy kólikterge jiberiledi. Taǵy bir jetistik – ár dáriger planshet arqyly qaı kóliktiń qaı tusta júrgenin bile alady. Sondaı-aq beket qurylysy jobalanǵan kezde jedel járdem avtoturaqtary men tikushaq qona alatyn arnaıy qosymsha oryndar da qarastyrylǵan.
Qazirgi kezde oblystyq jedel járdem qyzmeti túrik kompanııasyna 8 jyl ýaqytqa jalǵa berilgen. Osy ýaqyt ishinde olar óńirge 5 400 000 000 teńge kóleminde ınvestısııalyq qarajat quımaq. Onyń belgili bir bóligine taǵy da qosymsha qurylystar salynyp, qalanyń 3 aýdanynda qosalqy jedel járdem beketteri turǵyzylmaq. Munyń syrtynda búginde medısınalyq klaster qurylǵan óńirde jedel járdem qyzmetin odan ári damytý úshin 3 mıllıard teńge bólingen. Segiz jyldyń ishinde salynǵan sheteldik ınvestısııa tolyqtaı ıgeriledi dep kútilýde. Bul qarajatqa sheteldik bilikti mamandardyń jergilikti dárigerler úshin sheberlik sabaqtar ótkizý máseleleri de engizilgen. Osy rásimge arnaıy kelgen Reseıdegi Orynbor oblysynyń densaýlyq saqtaý mınıstri Galına Zolnıkova zamanaýı jedel járdem qyzmetiniń qurylymyna qyzyǵa qaraıtynyn jetkizdi.
Temir QUSAIYN,
«Egemen Qazaqstan»
AQTО́BE
