Olımpıadalyq rezervtegi Balalar men jasóspirimder sport mektebiniń № 2 shańǵy bazasynda Quqyq qorǵaý organdary men Qarýly kúshter qyzmetkerleriniń arasynda shańǵy men qar ústindegi fýtboldan spartakıada ótkizildi.
«Dınamo» Deneshynyqtyrý sport qoǵamynyń Semeı qalasyndaǵy fılıaly bastyǵy orynbasary Samat Qonyspekovtyń aıtýynsha, osyndaı is-sharalar quqyq qorǵaý qyzmetkerleriniń salaýatty ómir saltyn ustanýyna tıimdi áser etedi. Shańǵy jarysyna 10 komanda qatysty, áıelder 1 km, erler 3 km araqashyqtyqqa shańǵymen júgirdi.
Áıelder arasynda 1 shaqyrym araqashyqtyqtaǵy shańǵy jarysynan QR Mamandandyrylǵan kúzet qyzmeti basqarmasynan Áıgerim Muhtarbekova jáne Danara Ibragımovalar birinshi oryndy, al ekinshi oryndy Zaton polısııa bóliminiń qatysýshylary Alına Bekkojına jáne Aqerke Sakenovalar ıelendi. Erler arasynda júldeli oryndar kelesi oıynshylarǵa buıyrdy, atap aıtqanda 1-inshi oryn 5511 áskerı bóliminiń oıynshylary Saıat Erǵalıev jáne Arman Álimǵazınge buıyrdy. Ekinshi oryn Semeı qalasyndaǵy Tótenshe jaǵdaılar basqarmasynyń qatysýshylary Jaqsylyq Saǵıev jáne Arman Badraevqa berildi.
– Qar ústindegi fýtbol dodasyna 8 komanda qatysty. Oıyn olımpıadalyq júıemen ótkizildi, - deıdi Samat Qonyspekov, - fınalǵa Jedel qımyl arnaıy jasaǵy jetip, Semeı qalalyq TJB komandasy ekinshi orynǵa shyqty. Jeńimpaz jáne júldeger komandalar dıplomdarmen, kýboktarmen marapattaldy.
Raýshan Nuǵmanbekova
Sýretter avtordiki
Semeı
