Darıǵa Mushtanovanyń «Ańyz bolǵan abysyndar» atty kitabynyń tusaýy kesildi

Qadyr Myrza Álı atyn­daǵy mádenıet jáne óner ortalyǵynda ótken ádebıet keshine halyq kóp jınaldy. Kitapqa arqaý bolǵan Saqypjamal, Saqyp, Dildá esimdi úsh abysynnyń talaıly taǵdyry, basynan keshken shym-shytyryq oqıǵa­lar HH ǵasyrdaǵy qazaq halqynyń ajyramas bir tarıhy dese de bolǵandaı. Aırandaı uıy­ǵan qazaqy aýyldyń bereke­sin ketirgen Keńes ókimeti, baılardy tárkileý, ashtyq, urys dalasyn ǵana emes, qazaq saharasyn da órtep ótken soǵys, eń sońynda 1952 jyly Kapýstın Iаr polıgony ashylǵanda atameken – Qum Narynnan kúshpen kóshi­rilip, bosqyn bolǵan bókeılikter... – osynyń bári jańa shyǵarmada kórinis tapqan.

– Haırolla qarttyń otbasy, ańyz bolǵan úsh abysyn týraly áńgimeni osy áýlet­tiń kelini Rystydan jıi es­tıtinmin. О́z anasy emes, qaıyn jurtyn, enelerin osyn­shalyq dáriptep, qulaı súı­gen kelinniń qylyǵyna súısinsem, tarıhyna qanyq bol­ǵan soń qıyn kezde qa­sıe­tin joǵaltpaǵan qazaq áıel­deriniń minezine tánti bol­dym. Urpaqtary tarapynan osy bir sherli shejireni, ulaǵat­ty úılesimdi qaǵaz betine tú­­si­rýge usynys túskende, qýa­na kelistim. Kórkem dúnıe bol­ǵasyn, árıne, keıbir jerin árleýge týra keldi, biraq ne­giz­gi jeliden uzaǵan joqpyn, – deıdi kitap avtory.

Darıǵa Mushtanova – aıtys ónerin jańǵyrtýǵa atsalysqan aqyn, «Adamnyń jany – bir jumbaq», «О́mir-arna», «Qos qanat» jyr jınaqtarynyń avtory. Biraz jyl ustazdyqpen aınalysyp, Qazaqstan bilim berý salasynyń úzdigi, «Eren eńbegi úshin» medali men Ybyraı Altynsarın meda­liniń ıegeri atanǵan. Áriptesiniń jańa sh­yǵar­masynyń baǵasyn berýge osy ke­shke aqyn Sholpan Qydyrnııazova, ólke­t­aný­shy, ardager jýrnalıst Tıhon Álip­­qalı, Qazaqstan Jazýshylar odaǵy­nyń músheleri Amangeldi Shahın men Ǵaısa Ǵalı Seıtaq bul eńbektiń qundy­ly­ǵy men qyzyqty tustaryn jarysa áńgimeledi.

– Kitaptyń oqıǵa jelisi, sıýjetterdiń shymyrlyǵy, áserli sátterdiń moldyǵy bul shyǵarmany ekranǵa nemese teatr sahnasyna shaqyryp turǵandaı, – deıdi Tıhon Álipqalı.

Shyǵarmada kóterilgen adamgershilik qundylyqtar jas urpaq tárbıesine oń áser etip, rýhanı jańǵyrýǵa da sep bo­la­tynyn Batys Qazaqstan oblys­tyq mádenıet, arhıvter jáne qujat­tama ba­sqar­masy­nyń basshysy Qadyr­bolat Musaǵalıev te basa aıtty. H.Bókeeva atyn­daǵy ob­lys­tyq qazaq drama teatry­nyń aktrısasy, Mádenıet salasynyń úzdigi Nurgúl Jubatovanyń keshtiń shyraıyn kirgize júrgizýi óte áserli boldy.

Qazbek QUTTYMURATULY,
«Egemen Qazaqstan»

Oral