«Qazaqstan» RTRK» quramyna enetin «Balapan» telearna jańa 9 jobany kórermen nazaryna usynatyn bolady.
Kóktemgi maýsymda telearna kontenti ǵylymı-tanymdyq, aqparattyq, otbasylyq baǵdarlamalarmen jáne tikeleı efırdegi tok-shoý sekildi ishki ónimdermen jańarǵan.
О́ziniń quttyqtaý sózinde Dáýren Abaev «Balapan» arnasynyń elimizdiń bolashaq urpaǵyn tárbıeleýdegi eńbegi zor ekendigin atap ótti. Arnanyń shyǵarmashylyq toby 7 jylda 300-den astam telejoba daıyndaǵan. Bul baǵyttaǵy jumysty odan ári jalǵastyrý kerektigine nazar aýdardy.
Atap aıtqanda, jańa maýsymda telearna ǵylym salasyna den qoıyp otyr. IT tehnologııalardyń qyr-syry men ǵylymı tájirıbeler «Jas ǵalym» atty jańa tanymdyq baǵdarlamada kórinis tabady. Al ákesi men ulynyń arasyndaǵy qyzyqty oıynǵa qurylǵan «Bala bop», tanymal bloger analar men balalary qatysatyn «Úıdemiz – úırenemiz» jobalary kórermenderge ýaqytty tıimdi ári paıdaly ótkizýdiń úlgisin kórsetedi. Sonymen qatar, óner-bilim, sport salalaryndaǵy úzdik balalardyń jeńiske jetý jolyn baqylaıtyn «Kúndelik» baǵdarlamasy kórermenge jol tartady. Meımandarǵa tanystyrylǵan kezekti bir joba – «Qalamger kitaphanasy». Bul habar aty aıtyp turǵandaı, tanymal aqyn-jazýshylardyń kitaphanalary men úzdik týyndylarynyń jazylý tarıhyn tanystyrady. Jańa maýsymdaǵy erekshe baǵdarlamalardyń biri – «Múmkindik», jobada balalar bir kúnin túrli kásip ıelerimen, olardyń jumys barysymen tanysýǵa arnaıdy.
Taǵy bir aıta keterligi, kóktemgi maýsymda arnanyń kishkentaı jıhankez kórermenderi «Saıahatshy balapan» jobasyna ózderiniń shet elge saıahaty jaıly shaǵyn beıneúzikter ázirlep, joldaı alady. Osylaısha balalar da arnanyń kontentin jasaýǵa tikeleı atsalysady.
Sonymen qatar, telearna tarıhynda tuńǵysh ret ata-analarǵa arnalǵan tikeleı efırdegi «Bala time» baǵdarlamasynyń tusaýy kesiledi.
«balapan – baqytty balalyq mekeni» taqyrybynda ótken telemaýsymnyń tanystyrylymynda usynylǵan jobalar 15 naýryzdan bastap efırden kórsetiledi.
