Sol Oıqudyqta mazdaǵan shoq búgin egemendi eldiń órkendegen ónerine aınalyp, urpaq tárbıesine atsalysyp keledi. Seksen jyldan astam elge qaltqysyz qyzmet etip kele jatqan óner ordasy ozyq dástúrli ortaǵa aınalǵan.
Qazirgi tańda elimizdiń basty baǵdary Elbasy Nursultan Nazarbaevtyń «Rýhanı jańǵyrý» baǵdarlamasy bolyp otyrǵany belgili, – dedi teatrdyń ádebıet bóliminiń meńgerýshisi Mereı Qart, – bul baǵdarlama «Atameken», «Tárbıe jáne bilim», «Rýhanı qazyna» jáne «Aqparat tolqyny» atty tórt baǵytta iske asatyn jobadan turatyndyqtan, bizdiń teatr atalmysh baǵdarlamanyń damýyna jáne elimizdiń rýhanı-mádenı damýyna úzdiksiz atsalysyp keledi. О́z eliniń tarıhyn, mádenıeti men ádebıetin meńgerý jas urpaqty tolyqqandy azamat, jeke tulǵa retinde qalyptastyryp, patrıottyq tárbıe berip, oı eńbegine jeteleıdi.
Elbasy baǵdarlamasynyń basty maqsaty rýhymyzdy jańǵyrtý, ulttyq sanamyzdy qalyptastyrý bolsa, teatr týra osy baǵyttaǵy tárbıeni beretin oryn. Osy turǵyda teatr ujymy qalamyzdyń oqýshylarymen shyǵarmashylyq kezdesý ótkizdi.
«Teatr – bolashaq baǵdary» atty ashyq sabaǵymyzdyń maqsaty – akterlik ónerdiń qyr-syryn úıretip, ónerge baýlý, – deıdi teatrtanýshy Eńlik Samatova, – qaladaǵy №33 mektep oqýshylary belsendilik tanytyp, akterlerimizben etene aralasyp ketti. О́ner salasyna qyzyqqan jasóspirimder túrli obrazdar somdap, oılarynda júrgen suraqtaryn qoıý arqyly baqtaryn synap kórdi. Teatr ártisteri Aıaýlym Turysbekova, Ásel Asylbekova, Aqerke Rızabekova, Jantaı Turysbekov, Maǵjan Arazalınov, Jánibek Avlenov barynsha teatr ónerin tanystyryp, akterlik sheberlikterin kórsetti. Qyzyqty kezdesýdiń sońy ásem áýenmen jalǵasty.
Raýshan Nuǵmanbek,
jýrnalıst
Semeı
Sýretti túsirgen avtor
