Elbasy Nursultan Nazarbaevtyń Tájikstan basshysy Emomalı Rahmonmen kezdesýiniń kún tártibindegi kelissózder qorytyndysynda Memleket basshylarynyń birlesken málimdemesin qabyldaý josparlanǵan. Munan bólek, úkimetaralyq úsh kelisimdi rásimdeý de kózdelip otyr. Atalǵan qujattardyń barlyǵy da kóshi-qon máselelerine, bir eldiń azamatynyń ekinshi elge kelý tártibine qatysty bolmaq. Buǵan deıin Aqordanyń baspasóz qyzmeti 14 naýryzda Nursultan Nazarbaevtyń shaqyrýymen Tájikstan Respýblıkasynyń Prezıdenti Emomalı Rahmon Qazaqstanǵa resmı saparmen keletindigin, sapar aıasynda memleket basshylary kún tártibindegi ekijaqty, óńirlik jáne halyqaralyq ózekti máselelerdi talqylaıtyndyǵyn habarlaǵan edi.
