Sonyń biri, «Siz ózińizdiń keshe qaı qonaq úıde qonǵanyńyz týraly aıta alasyz ba» degen Senator suraǵyna, Sýkerberg sál irkilip baryp «Joq» dep jaýap berdi.
«Siz osy aptada habarlama joldaǵan adamnyń esimin ataı alasyz ba» degen suraqqa da ol «Men ony kópshilik aldynda jarııalaýdy qalamas edim» dep jaýap berdi.
Senator da óziniń barlyq aıtqysy kelgeni osy eki suraqqa syıyp ketetinin aıtty.
Esterińizge sala keteıik, Senatorlardyń suraqtaryna jaýap bergen Sýkerberg, Cambridge Analytica kompanııasyń jınaǵan Facebook áleýmettik jelisiniń 50 mıllıon paıdalanýshysy týraly derekterdiń Reseıde saqtaýly ekeni týraly bilmeıtinin aıtty. Osy jaǵdaıdy anyqtaý úshin Facebook kompanııasy jyl sońyna deıin 20 myńnan astam adamdy jumysqa alyp, jeli qoldanýshylardyń aqparattyq qaýipsizdigi úshin jumys jasaıtynyn aıtty.
Mádına JÁLELQYZY,
«Egemen Qazaqstan»
