Qoǵamdyq qordyń qaraýynda Astana jáne Shymkent qalalarynda 3 ońaltý ortalyqtary jumys isteıdi. Astana qalasynda «Qasıetti jol» (2-15jas) jáne «Balapan» (3 aı- 2 jas) ońaltý ortalyqtary bolsa, statıstıka boıynsha serebraldy sal aýrýyna shaldyqqan balalardyń joǵarǵy kórsetkishin kórsetip otyrǵan elimizdiń ońtústik aımaǵynda Shymkent qalasynda «Kzhol Shymkent» (1-15 jas) ońaltý ortalyǵy bar.
Ortalyqtarymyzda qala boıynsha jaqsylyq jasaýǵa jany qumar óz isiniń úzdik mamandary jumys isteıdi. Balalarmen defektolog, logoped, trýdoterapevt, psıhologpen qatar basseın, fızıokabınetteri qyzmet kórsetedi.
Astanadaǵy 2014 jyly alǵashqy bolyp ashylǵan «Qasıetti jol» ońaltý ortalyǵy. Bıyl ortalyqqa bes jyl tolyp otyr. Bes jyl ishinde ortalyqta ońaltýdan 3144 bala ótti. Ortalyq dırektory Aınur Nurhojaeva: «qanshama bala basyn ustap, tórtaıaqtap eńbektep, ózdiginen júre bastaǵan jetistigin kórgenimdi, sózben aıtyp jetkizý múmkin emes» deıdi. Balalar men ata-analarynyń erteńgi kúnge degen úmitin oıatyp, kózderindegi nuryn jaǵý jumysymyzdyń jemisi.
Ortalyqta balalarǵa arnalǵan túrli merekeler ótkizilip turady, bul da emdeý sharalarynyń bir túri deıdi mamandar. Án aıtyp, bı bıleý arqyly Bir-birimen, óz denesimen qarym-qatynas jasap tilin tabý bolsa, balanyń qozǵalýǵa shamasy jetpese basqalarǵa qaraý arqyly kózderimen jumys isteıdi.
Logoped mamandar balalarǵa tek sóıleýdi emes, durys tamaqtanyp, ony durys jutýdy da úıretedi. Eger tamaqty durys jemeı, durys jutpasa ol asqazan men tynys alý músheleriniń zaqymdanýyna ákelip soǵady.
Sonymen qatar ortalyqta ınstrýktorlar ártúrli em quraldary arqyly durys jáne ónimdi jumys jasap, taekvando, dzıýdo sııaqty sport úıirmeleri arqyly balalardy salaýatty ómir saltyna mashyqtaıdy. Balaqaı sportshylar Jyl saıynǵy spartakıadalarǵa da qatysady. #QazaqstanJaqsylyqJasaıdy jobasy aıasynda elimizdiń kóptegen qaıyrymdy jandary kómek kórsetýde. Oǵan mysal retinde, 8 jasar Akbar Nýrlan balalarǵa arnalǵan «Kýbıcheskıı labırınt» kitabynan túsken paıdany, bizdiń qorǵa aýdardy. Akbar sportpen, onyń ishinde karatemen shuǵyldanady. Sport úıirmesinde, onymen qatar sal aýrýyna shaldyqqan balalar da qatysady. Sol kezde 8 jasar balanyń bundaı dıagnozben aýratyn balalardy alǵash kórýi edi. Kitaptyń satylymynan túsken qarajatty «Qasıetti jol» qaıyrymdylyq qoryna aýdarýynyń da sebebi osy bolatyn.
«Qasıetti jol» ońaltý ortalyǵynyń tarıhynyń birinshi paraǵyn ashqan Musa esimdi jigit. Ol ortalyqqa óte aýyr jaǵdaımen, gemıparez dıagnozymen keldi. Onyń mıyna qan quıylyp, eki ret ota jasalǵan. Birinshi otasy 40-nan shyqpaǵan náreste kezinde jasalǵan. Búgingi kúni Musanyń jaǵdaıy qýantarlyqtaı, kelesi jyly ol mektepke barady. Ońaltý jumystary kezindegi О́ziniń jáne anasynyń kúsh-jigeri men qajyrly eńbegi arqyly densaýlyǵy boıynsha úlken jetistikterge jetti.
Qorydyń budan bólek Astana qalasynda «Balapan» ( 3aı – 2 jas) jáne Shymkent qalasynda «Kzhol Shymkent» ońaltý ortalyqtary jumys isteıdi. Bul ortalyqtar bıýdjet esebinen emes, jaqsylyq jasaýǵa jany qumar jandardyń kómeginiń arqasynda jumys isteıdi otyr.
