Qalalyq ákimdik Turǵyn úı qurylys jınaq bankiniń jergilikti fılıaly jáne kókshetaýlyq qurylys kompanııasymen kelisim-shartqa qol qoıyp, kópqabatty úılerdiń qurylysyn bastaýǵa ýaǵdalasty. Alǵashqy baspanalar bıyl salynady. Turǵyndardy qoljetimdi baspanamen qamtý maqsatymen 5 jyldyń ishinde 9 qabatty 27 úı turǵyzylady.
«Paneldi úıler fın tehnologııasy boıynsha salynady. Jazda salqyn, qysta jyly. Páterlerdiń aýmaǵy árqıly, 40, 60, 84 sharshy metrdi quraıdy. Kókshetaý, Oral, Qaraǵandy qalalarynyń tájirıbesine súıenemiz», deıdi «SQ Regıonstroı» JShS dırektorynyń orynbasary Qanat Luqpanov.
Baspanalar kezeń-kezeńmen tapsyrylyp, salymshylar arasynda úlestiriledi.Turǵyn úı qurylys jınaq banki AQ SQOF bıznesti damytý bóliminiń jetekshisi Ámir Nurmuqanovtyń aıtýy boıynsha úsh jaqty memorandým aıasynda 3200-den astam páter salynady. Ár sharshy metri 150-den 180 myń teńgege deıin.
Búginde óńirde 41 myń salymshy bar. Olardyń depozıtterdegi saqtaýly qarajaty 16,7 mıllıard teńgeden asady.
О́mir ESQALI,
«Egemen Qazaqstan»
Soltústik Qazaqstan oblysy
