«Endi kásipkerliktiń alǵashqy álipbıin oqý úshin eki kún kelip, altyn ýaqytyn jiberip, partada otyrýdyń qajeti joq. Bul ispen úıde aınalysýǵa bolady. Sertıfıkat alý úshin kelip, test tapsyrsa jetip jatyr. Sonymen qatar, «Atameken Services» portalyna kirip, onlaın-rejımde qalaǵan jobasyn oqyp ala alady» dedi oblystyq kásipkerler palatasynyń qarjylyq emes bólim bastyǵy Robert Iýsýpov.
Alaıda, kásipkerlik bilimdi kúndiz oqyǵysy keletinder úshin kásipkerler palatasynyń bazasy men onyń fılıaldarynda ótkiziletin kýrstar da saqtalady. Eki kún boıy munda bıznes negizi zańnamalyq jáne býhgalterlik qyzmetten bastap, marketıngige deıin oqytylady. Sabaqty bıznes-jattyqtyrýshylar, memlekettik organdar men bank qyzmetkerleri, taǵy basqa mamandar júrgizedi.
«Men memlekettik qyzmette de, jyljymaıtyn múlik agenttiginde de, qyrjy uıymdarynda da qyzmet istedim. Endi óz isimdi ashqym keledi, sondyqtan «Bıznes-keńesshi» kýrstaryna keldim. Bul týraly kópten estip júr edim, durys keldim dep bilemin. Bastamalarym bar, soǵan grant utyp alǵym keledi» deıdi Nurııa Esmaǵambetova.
Názıra Járimbet,
«Egemen Qazaqstan»
Qostanaı
