Erteń, 21 naýryzda astanalyqtar jáne qala qonaqtary Ulttyq mýzeıge tegin kire alady. Ol úshin qazaqtyń ulttyq kıiminiń nemese áshekeıiniń elementteri bolýy shart.
«Elorda turǵyndary men qonaqtaryna syılyq jasaýdy uıǵardyq. Qazaqtyń ulttyq atrıbýttary bar kıim, áshekeı, oıý-órnegi bar obrazdaǵy kelýshilerge kirý tegin», – delingen Qazaqstannyń Ulttyq mýzeıiniń habarlamasynda.
Sonymen qatar, mýzeı ekspozısııalaryn tegin tamashalaýdy qalaıtyn adamdar áleýmettik jelidegi Ulttyq mýzeıdiń paraqshasyna tirkelip, #Ulttyqmýzeı heshtegin belgileýi kerek.
