– Darıǵa Nursultanqyzyn barshańyz jaqsy bilesizder. Ol kópten beri sizdermen tyǵyz jumys istep keledi. Qoǵamdyq jáne saıası qyzmetterde jınaǵan tájirıbesi mol. Tek Qazaqstanda ǵana emes, sondaı-aq shetelde de tanymal saıasatker. Tuńǵysh Prezıdent – Elbasynyń Qazaqstan halqynyń ál-aýqatyn arttyrý jáne turǵyndarǵa áleýmettik turǵydan kórsetiletin qoldaýdy kúsheıtý jóninde alǵa qoıǵan aýqymdy mindetteri sapaly zańdarmen qamtamasyz etilýi kerek. Sondyqtan biz Darıǵa Nazarbaevaǵa osyndaı jaýapty mıssııany júktep otyrmyz. Osyǵan baılanysty, Parlament Senatynyń depýtattarynan men usynǵan kandıdatýrany qoldaýdy suraımyn, – dedi Qasym-Jomart Toqaev.
Jasyryn daýys berýdiń qorytyndysy boıynsha D.Nazarbaeva Parlament Senatynyń Tóraǵasy bolyp saılandy.
Parlamenttiń joǵary palatasynyń jańadan saılanǵan Tóraǵasy ózine zor senim bildirgen Memleket basshysy men depýtattarǵa alǵys aıtyp, belgilengen mindetterge qol jetkizý úshin bar bilimi men qabiletin jumsaıtynyn jetkizdi.
Sońynda Qasym-Jomart Toqaev Darıǵa Nazarbaevanyń kandıdatýrasyn qoldaǵandary úshin depýtattarǵa rızashylyq bildirip, Senattyń jańa tóraǵasynyń qyzmetine tabys tiledi.
