Máselege prokýratýra, eńbek ınspeksııasy aralasyp, eńbekaqy qaryzy 95 mıllıon, elektr energııasy úshin 40 mıllıon teńge bolǵanyn anyqtaǵan. Onyń basty sebebi Reseıden satyp alynatyn qosalqy bólshekter baǵasynyń tym qymbattaýyna baılanysty ekitaraptyq kelisimshartty úzýge týra kelgen.
Zaýyt dırektory Renat Shamsýddınov, prokýratýra ókilderi máseleniń maýsym aıyna deıin sheshilip, ahýaldyń turaqtanatynyna ýáde berdi.
«Kásiporyn júk vagondaryn shyǵarýmen aınalysady. Byltyr eshqandaı kidiris bolǵan joq. Bıyl jyl basynan beri óndiris sehtary toqtap tur. Basshylyq turaqty jumyspen qamtamasyz etýdiń ornyna synyqqa syltaý izdegileri keledi. Shydamnyń da shegi bar emes pe? Bala-shaǵamyzdy asyrap, kredıt tóleýimiz kerek», deıdi yntaly toptyń músheleri.
Aımaq basshysy Qumar Aqsaqalov áleýmettik jelidegi facebook paraqshasynda kásiporynǵa qatysty óz pikirin bildirdi.
«ZIKSTO» zaýytynda eńbekaqy boıynsha qaryz vagon qurastyrý úshin qajet bólshekterdiń durys jetkizilmeýinen týyndap otyr. Qazir balama joldaryn izdestirip jatyrmyz. Biz zaýyt jumysshylary quqyǵynyń buzylýyna jol bermeımiz. Jumys berýshi óz qyzmetkerleri aldyndaǵy barlyq mindetterin oryndaıtyn bolady. Zaýyt basshylyǵy jaqyn arada qaryzdy jabýǵa ýáde etti. Jaǵdaıdy óz baqylaýymda ustaımyn», delingen áleýmettik jelidegi paraqshasynda.
