Aımaqtar • 13 Qyrkúıek, 2019

Qostanaı oblysynda 500 turǵyny qalǵan aýyldar sany 38-ge jetken

180 ret

kórsetildi

1 mın

oqý úshin

Bul týraly «Tórtinshi deńgeıdegi bıýdjet: aýyldyq okrýgterdi ońtaılandyrýdan bastap, birinshi basshylardyń jaýapkershiligine deıin» degen taqyrypta Qarasý aýdanynyń bazasynda ótken dóńgelek ústel májilisinde aıtyldy. О́tken jyly oblysta 2 myń turǵyny bar 45 aýyldyq-selolyq okrýgter tórtinshi deńgeıdegi bıýdjetke ótken bolatyn. Jergilikti ózin ózi basqarýǵa kóshkende olardyń barlyǵynda qarjylandyrý, kólikpen, kompıýtermen jabdyqtaý jaqsardy, negizinen kóp jolaqty qýatty ınternet jelisine qosyldy. Biraq problemalar joq emes, onyń eń bastysy kadrmen qamtamasyz etýge baılanysty. 45 aýyldyq okrýgte 27 maman jetispeıdi.

Názıra JÁRIMBET

Qostanaı oblysynda 500 turǵyny qalǵan aýyldar sany 38-ge jetken

Al aldaǵy jyly oblysta taǵy 195 aýyldyq okrýg derbes bıýdjetke ótetin bolady. Osyǵan oraı bul aýyldarda kóptegen máseleler, onyń ishinde ońtaılandyrý men aýyldardy irilendirý máseleleri aldymen sheshimin tabatyn bolady.

«Mysaly, az ǵana turǵyny qalǵan aýyldarda aýyldyq okrýg basshylyǵyn ustaý tıimdi emes, ol úshin qanshama qarjy ketedi. Aýyldardy irilendirip, qarjyny únemdesek, ol sol jerdegi áleýmettik máselelerdiń sheshimin tabýǵa jumsalatyn bolady. Muny aýyldaǵy aǵaıynǵa barynsha túsindirý kerek» dedi «dóńgelek ústel» májilisiniń moderatory bolǵan oblys ákiminiń orynbasary Erlan Spanov.

Májiliste aýyl ákimderi suraqtaryna jaýap aldy. Sonymen qatar ekinshi jyl tórtinshi deńgeıdegi bıýdjetpen jumys istep jatqan aýyldyq okrýgterdiń jaqsy tájirıbesi de ortaǵa salyndy.

Qostanaı oblysy

Qarasý aýdany